ਹੋਟਲਾਂ ‘ਚ ਅਸ਼ਲੀਲ ਫਿਲਮਾਂ ਦੀ ਸ਼ੂਟਿੰਗ ਦੇ ਦੋਸ਼ ‘ਚ ਪੂਨਮ ਪਾਂਡੇ ਅਤੇ ਸ਼ਰਲਿਨ ਚੋਪੜਾ ਵੀ ਸ਼ਾਮਲ
ਮੁੰਬਈ : ਪੋਰਨੋਗ੍ਰਾਫੀ ਮਾਮਲੇ ‘ਚ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦੇ ਪਤੀ ਅਤੇ ਕਾਰੋਬਾਰੀ ਰਾਜ ਕੁੰਦਰਾ ਦੀਆਂ ਮੁਸ਼ਕਿਲਾਂ ਵਧ ਸਕਦੀਆਂ ਹਨ। ਮਹਾਰਾਸ਼ਟਰ ਸਾਈਬਰ ਸੈੱਲ ਨੇ ਇੱਕ ਨਵੀਂ ਚਾਰਜਸ਼ੀਟ ਵਿੱਚ ਦਾਅਵਾ ਕੀਤਾ ਹੈ ਕਿ ਕੁੰਦਰਾ ਨੇ ਮੁੰਬਈ ਦੇ ਨਾਲ ਲੱਗਦੇ ਦੋ ਪੰਜ ਤਾਰਾ ਹੋਟਲਾਂ ਵਿੱਚ ਅਸ਼ਲੀਲ ਫਿਲਮਾਂ ਦੀ ਸ਼ੂਟਿੰਗ ਕੀਤੀ ਸੀ। ਕੁੰਦਰਾ ਨੇ ਇਨ੍ਹਾਂ ਫਿਲਮਾਂ ਨੂੰ OTT ਪਲੇਟਫਾਰਮ ‘ਤੇ ਵੇਚ ਕੇ ਵੀ ਮੋਟੀ ਕਮਾਈ ਕੀਤੀ।
ਸਾਈਬਰ ਸੈੱਲ ਨੇ ਪਿਛਲੇ ਹਫ਼ਤੇ ਹੀ ਅਦਾਲਤ ਵਿੱਚ ਇਹ ਚਾਰਜਸ਼ੀਟ ਪੇਸ਼ ਕੀਤੀ ਹੈ। ਇਸ ‘ਚ ਮਾਡਲ ਪੂਨਮ ਪਾਂਡੇ, ਸ਼ਰਲਿਨ ਚੋਪੜਾ ਅਤੇ ਫਿਲਮ ਨਿਰਮਾਤਾ ਮੀਤਾ ਝੁਨਝੁਨਵਾਲਾ ਤੋਂ ਇਲਾਵਾ ਕੈਮਰਾਮੈਨ ਰਾਜੂ ਦੂਬੇ ਦਾ ਨਾਂ ਵੀ ਸ਼ਾਮਲ ਹੈ। ਦੱਸ ਦੇਈਏ ਕਿ ਪੋਰਨੋਗ੍ਰਾਫੀ ਮਾਮਲੇ ਵਿੱਚ ਕੁੰਦਰਾ 63 ਦਿਨਾਂ ਤੋਂ ਮੁੰਬਈ ਦੀ ਆਰਥਰ ਜੇਲ੍ਹ ਰੋਡ ਵਿੱਚ ਬੰਦ ਸੀ। ਦੋ ਮਹੀਨੇ ਜੇਲ੍ਹ ਵਿੱਚ ਰਹਿਣ ਤੋਂ ਬਾਅਦ ਉਸ ਨੂੰ ਪਿਛਲੇ ਸਾਲ ਸਤੰਬਰ ਵਿੱਚ ਹੀ ਸੈਸ਼ਨ ਕੋਰਟ ਤੋਂ ਜ਼ਮਾਨਤ ਮਿਲ ਗਈ ਸੀ।
ਸਾਈਬਰ ਸੈੱਲ ਨੇ ਪਿਛਲੇ ਹਫਤੇ ਸ਼ੁੱਕਰਵਾਰ ਨੂੰ 450 ਪੰਨਿਆਂ ਦੀ ਚਾਰਜਸ਼ੀਟ ਪੇਸ਼ ਕੀਤੀ ਹੈ। ਇਸ ਵਿੱਚ ਬਨਾਨਾ ਪ੍ਰਾਈਮ ਓਟੀਟੀ ਦੇ ਸੁਵਜੀਤ ਚੌਧਰੀ ਅਤੇ ਕੁੰਦਰਾ ਦੇ ਇੱਕ ਸਟਾਫ਼ ਉਮੇਸ਼ ਕਾਮਥ ਉੱਤੇ ਆਨਲਾਈਨ ਪਲੇਟਫਾਰਮ ‘ਤੇ ਵੈੱਬ ਸੀਰੀਜ਼ ‘ਪ੍ਰੇਮ ਪਗਲਾਨੀ’ ਨੂੰ ਅਪਲੋਡ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ।
ਦੂਜੇ ਪਾਸੇ, ਪੂਨਮ ਪਾਂਡੇ ‘ਤੇ ਦੋਸ਼ ਹੈ ਕਿ ਉਸਨੇ ਕੁੰਦਰਾ ਦੀ ਕੰਪਨੀ ਆਰਮਸਪ੍ਰਾਈਮ ਨਾਲ ਵਪਾਰਕ ਸਮਝੌਤਾ ਕਰਕੇ ਆਪਣੀ ਮੋਬਾਈਲ ਐਪ ‘ਦ ਪੂਨਮ ਪਾਂਡੇ’ ਤਿਆਰ ਕੀਤੀ ਅਤੇ ਵੀਡੀਓਜ਼ ਸ਼ੂਟ ਕੀਤੇ। ਇਨ੍ਹਾਂ ਵੀਡੀਓਜ਼ ਨੂੰ ਪ੍ਰਸਾਰਿਤ ਕਰਨ ਲਈ ਇਸ ਕੰਪਨੀ ਦੀ ਮਦਦ ਵੀ ਲਈ ਗਈ ਸੀ। ਇਸ ਤੋਂ ਇਲਾਵਾ ਕੈਮਰਾਮੈਨ ਰਾਜੂ ਦੂਬੇ ‘ਤੇ ਅਦਾਕਾਰਾ ਸ਼ਰਲਿਨ ਚੋਪੜਾ ਦੀ ਵੀਡੀਓ ਸ਼ੂਟ ਕਰਨ ਦਾ ਦੋਸ਼ ਹੈ। ਨਿਰਮਾਤਾ ਮੀਤਾ ਝੁਨਝੁਨਵਾਲਾ ‘ਤੇ ਇਨ੍ਹਾਂ ਲੋਕਾਂ ਦੀ ਮਦਦ ਕਰਨ ਦਾ ਦੋਸ਼ ਹੈ।
