ਫੈਕਟ ਸਮਾਚਾਰ ਸੇਵਾ
ਮੁੰਬਈ , ਮਾਰਚ 26
ਅਦਾਕਾਰ ਬੌਬੀ ਦਿਓਲ ਆਪਣੀ ਪਿਛਲੀ ਰਿਲੀਜ਼ ਫਿਲਮ ‘ਐਨੀਮਲ’ ਤੋਂ ਲਗਾਤਾਰ ਸੁਰਖੀਆਂ ‘ਚ ਬਣੇ ਹੋਏ ਹਨ। ਇਸ ਫਿਲਮ ਵਿੱਚ ਬੌਬੀ ਦੇ ਕਿਰਦਾਰ ਨੇ ਦਰਸ਼ਕਾਂ ਦੀ ਖੂਬ ਤਾਰੀਫ ਹਾਸਿਲ ਕੀਤੀ। ਰਣਬੀਰ ਕਪੂਰ ਸਟਾਰਰ ਫਿਲਮ ‘ਐਨੀਮਲ’ ਤੋਂ ਪਹਿਲਾਂ ਹੀ ਬੌਬੀ ਨੇ ‘ਆਸ਼ਰਮ’ ਦੇ ਕਿਰਦਾਰ ਨਾਲ ਦਰਸ਼ਕਾਂ ਵਿਚਾਲੇ ਫਿਰ ਤੋਂ ਆਪਣੀ ਜਗ੍ਹਾ ਬਣਾ ਲਈ ਸੀ। ‘ਆਸ਼ਰਮ’ ‘ਚ ਬੌਬੀ ਦੇ ਕਿਰਦਾਰ ਨੇ ਉਨ੍ਹਾਂ ਨੂੰ ਕਾਫੀ ਪ੍ਰਸਿੱਧੀ ਦਿਵਾਈ ਸੀ। ਦਰਸ਼ਕ ਹੁਣ ਇਸ ਸੀਰੀਜ਼ ਦੇ ਅਗਲੇ ਸੀਜ਼ਨ ਨੂੰ ਦੇਖਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਇਸ ਸੀਰੀਜ਼ ਦੇ ਤਿੰਨ ਸੀਜ਼ਨ ਪਹਿਲਾਂ ਹੀ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕਰ ਚੁੱਕੇ ਹਨ। ‘ਆਸ਼ਰਮ’ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਦੇ ਨਾਲ ਇਕ ਡੂੰਘੀ ਅਤੇ ਗੁੰਝਲਦਾਰ ਕਹਾਣੀ ਸੀ। ਇਸ ਕਾਰਨ ਹੁਣ ਦਰਸ਼ਕ ਇਸ ਦੇ ਚੌਥੇ ਸੀਜ਼ਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਜਾਣਕਾਰੀ ਮੁਤਾਬਕ ‘ਆਸ਼ਰਮ’ ਸੀਜ਼ਨ 4 ਇਸ ਸਾਲ ਦਰਸ਼ਕਾਂ ਤੱਕ ਪਹੁੰਚਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਚੌਥੇ ਸੀਜ਼ਨ ਦਾ ਸੰਕੇਤ ਅਭਿਨੇਤਾ ਚੰਦਨ ਰਾਏ ਸਾਨਿਆਲ ਵਲੋਂ ਦਿੱਤਾ ਗਿਆ ਹੈ, ਜੋ ਬਾਬਾ ਦੇ ਸੱਜੇ ਹੱਥ ‘ਭੋਪਾ ਸਵਾਮੀ’ ਦਾ ਕਿਰਦਾਰ ਨਿਭਾ ਰਹੇ ਹਨ।
ਚੰਦਨ ਰਾਏ ਨੇ ਹਾਲ ਹੀ ‘ਚ ਇਕ ਗੱਲਬਾਤ ਦੌਰਾਨ ਖੁਲਾਸਾ ਕੀਤਾ ਕਿ ਹਰ ਕੋਈ ਉਨ੍ਹਾਂ ਤੋਂ ‘ਆਸ਼ਰਮ’ ਦੇ ਚੌਥੇ ਸੀਜ਼ਨ ਬਾਰੇ ਪੁੱਛਦਾ ਰਹਿੰਦਾ ਹੈ। ਅਦਾਕਾਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਇਸ ਸਾਲ ਲੋਕ ਇਹ ਪੁੱਛਣਾ ਬੰਦ ਕਰ ਸਕਦੇ ਹਨ ਕਿਉਂਕਿ ਸਾਰੀਆਂ ਤਿਆਰੀਆਂ ਕਰ ਲਈਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕੁਝ ਸਕ੍ਰਿਪਟਿੰਗ ਬਾਰੇ ਵੀ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਫਿਲਹਾਲ ਸ਼ੂਟਿੰਗ ਦੇ ਕੁਝ ਹਿੱਸੇ ਬਾਕੀ ਹਨ। ਹਾਲਾਂਕਿ ਸੰਭਾਵਨਾ ਹੈ ਕਿ ਇਹ ਸੀਰੀਜ਼ ਇਸ ਸਾਲ ਰਿਲੀਜ਼ ਹੋ ਸਕਦੀ ਹੈ।
ਅਭਿਨੇਤਾ ਨੇ ਕਿਹਾ ਕਿ ‘ਆਸ਼ਰਮ’ ਨੇ ਉਨ੍ਹਾਂ ਦੇ ਕਰੀਅਰ ‘ਤੇ ਕਾਫੀ ਪ੍ਰਭਾਵ ਪਾਇਆ ਹੈ। ਉਨ੍ਹਾਂ ਖੁਲਾਸਾ ਕੀਤਾ ਕਿ ਉਹ ਜਿੱਥੇ ਵੀ ਜਾਂਦੇ ਹਨ, ਉਨ੍ਹਾਂ ਦਾ ‘ਜਪਨਾਮ’ ਨਾਲ ਸਵਾਗਤ ਹੁੰਦਾ ਹੈ। ਉਹ ਸੀਰੀਜ਼ ‘ਚ ਜਪਨਾਮ ਦੇ ਕਿਰਦਾਰ ‘ਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਸੀਰੀਜ਼ ਰਿਕਸ਼ਾ ਚਾਲਕ ਤੋਂ ਲੈ ਕੇ ਵੱਡੇ ਵਿਅਕਤੀ ਤੱਕ ਹਰ ਕਿਸੇ ਤੱਕ ਪਹੁੰਚਿਆ ਹੈ।