ਬਾਬਾ ਵੇਂਗਾ ਨੇ ਕੀਤੀਆਂ ਸਨ 5 ਡਰਾਉਣੀਆਂ ਭਵਿੱਖਬਾਣੀਆਂ
ਏਲੀਅਨ 2023 ਵਿੱਚ ਮਚਾ ਦੇਣਗੇ ਤਬਾਹੀ !
ਇਸ ਸਾਲ ਵਿੱਚ ਧਰਤੀ ਆਪਣੇ ਚੱਕਰ ਤੋਂ ਥੋੜ੍ਹੀ ਜਿਹੀ ਹਿੱਲੇਗੀ
ਜਲਵਾਯੂ ਵਿਚ ਵੱਡਾ ਬਦਲਾਅ
ਜੈਵਿਕ ਹਥਿਆਰਾਂ ਕਾਰਨ ਹਜ਼ਾਰਾਂ ਲੋਕ ਮਾਰੇ ਜਾਣਗੇ
ਮਨੁੱਖ ਨੂੰ ਲੈਬ ਵਿੱਚ ਤਿਆਰ ਕੀਤਾ ਜਾਵੇਗਾ
ਸੰਸਾਰ ਸਾਲ ਦਰ ਸਾਲ ਤਰੱਕੀ ਕਰ ਰਿਹਾ ਹੈ, ਅੱਜ ਤੋਂ 60-70 ਸਾਲ ਪਿੱਛੇ ਮੁੜ ਕੇ ਦੇਖੀਏ ਤਾਂ ਪਤਾ ਲੱਗ ਜਾਂਦਾ ਹੈ ਕਿ ਅਸੀਂ ਕਿੰਨੀ ਦੂਰ ਆ ਚੁੱਕੇ ਹਾਂ। ਹਰ ਬੀਤਦੇ ਸਾਲ ਦੇ ਨਾਲ, ਕੁਝ ਨਵੀਆਂ ਚੀਜ਼ਾਂ ਸਾਹਮਣੇ ਆਉਂਦੀਆਂ ਹਨ। ਅਜਿਹੇ ‘ਚ ਹਰ ਕੋਈ ਜਾਣਨਾ ਚਾਹੁੰਦਾ ਹੈ ਕਿ ਆਉਣ ਵਾਲੇ ਸਾਲ ‘ਚ ਕੀ ਹੈ।
ਇਹ ਭਵਿੱਖਬਾਣੀ ਬਾਬਾ ਵੇਂਗਾ ਦੀ ਹੈ, ਜਿਸ ਨੇ ਸਾਲ 2023 ਨੂੰ ਲੈ ਕੇ ਇਕ ਤੋਂ ਵੱਧ ਖਤਰਨਾਕ ਗੱਲਾਂ ਕਹੀਆਂ ਸਨ।
ਬਾਬਾ ਵਾਂਗਾ ਸਟੀਕ ਭਵਿੱਖਬਾਣੀਆਂ ਲਈ ਮਸ਼ਹੂਰ ਹੈ। ਬਾਬਾ ਵੇਂਗਾ ਦੀਆਂ ਸਾਲ 2023 ਲਈ ਜੋ ਭਵਿੱਖਬਾਣੀਆਂ ਕੀਤੀਆਂ ਹਨ ਉਹ ਦਿਲ ਘਬਰਾਉਣ ਵਾਲਿਆਂ ਹਨ। ਉਨ੍ਹਾਂ ਨੇ ਆਉਣ ਵਾਲੇ ਸਾਲ ਬਾਰੇ ਕੁਝ ਡਰਾਉਣੀਆਂ ਗੱਲਾਂ ਦੱਸੀਆਂ ਸਨ।
ਬਾਬਾ ਵੇਂਗਾ ਨੇ ਸਾਲ 2023 ਲਈ 5 ਬਹੁਤ ਹੀ ਡਰਾਉਣੀਆਂ ਭਵਿੱਖਬਾਣੀਆਂ ਕੀਤੀਆਂ ਹਨ, ਜੋ ਜੇਕਰ ਸੱਚ ਹੋਈਆਂ ਤਾਂ ਤਬਾਹੀ ਦਾ ਸਾਲ ਹੋਵੇਗਾ 2023। ਬਾਬਾ ਵੇਂਗਾ ਦੇ ਅਨੁਸਾਰ, ਇਸ ਸਾਲ ਵਿੱਚ ਧਰਤੀ ਆਪਣੇ ਚੱਕਰ ਤੋਂ ਥੋੜ੍ਹੀ ਜਿਹੀ ਹਿੱਲੇਗੀ। ਹਾਲਾਂਕਿ ਬ੍ਰਹਿਮੰਡ ਵਿਚ ਧਰਤੀ ਦੇ ਸੰਤੁਲਨ ‘ਤੇ ਕੋਈ ਖਾਸ ਪ੍ਰਭਾਵ ਨਹੀਂ ਪਵੇਗਾ, ਪਰ ਧਰਤੀ ਦੀ ਥੋੜੀ ਜਿਹੀ ਹਿਲਜੁਲ ਵੀ ਜਲਵਾਯੂ ਵਿਚ ਵੱਡਾ ਬਦਲਾਅ ਲਿਆ ਸਕਦੀ ਹੈ। ਇਸ ਤੋਂ ਇਲਾਵਾ ਇਸ ਸਾਲ ਸੂਰਜੀ ਤੂਫਾਨ ਕਾਰਨ ਇਲੈਕਟ੍ਰਿਕ ਚਾਰਜ, ਮੈਗਨੈਟਿਕ ਫੀਲਡ ਅਤੇ ਰੇਡੀਏਸ਼ਨ ਵੀ ਵਧ ਸਕਦੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਜੋ ਵੱਡੀ ਗੱਲ ਕਹੀ ਕਿ ਧਰਤੀ ‘ਤੇ ਏਲੀਅਨਜ਼ ਆ ਸਕਦੇ ਹਨ। ਉਸ ਅਨੁਸਾਰ ਜੇਕਰ ਏਲੀਅਨ ਆਉਂਦੇ ਹਨ ਤਾਂ ਧਰਤੀ ‘ਤੇ ਲੱਖਾਂ ਲੋਕ ਮਰ ਜਾਣਗੇ ਅਤੇ ਸੰਸਾਰ ਹਨੇਰੇ ਵਿਚ ਚਲਾ ਜਾਵੇਗਾ।
ਬਾਬਾ ਵੇਂਗਾ ਨੇ ਵੱਡੇ ਦੇਸ਼ ਦੇ ਜੈਵਿਕ ਹਥਿਆਰਾਂ ਬਾਰੇ ਖੋਜ ਦੀ ਭਵਿੱਖਬਾਣੀ ਵੀ ਕੀਤੀ ਸੀ। ਉਨ੍ਹਾਂ ਮੁਤਾਬਕ ਇਸ ਪ੍ਰਯੋਗ ਵਿੱਚ ਹਜ਼ਾਰਾਂ ਲੋਕ ਮਾਰੇ ਜਾਣਗੇ। ਬਾਬਾ ਵੇਂਗਾ ਦਾ ਦਾਅਵਾ ਹੈ ਕਿ ਇਸ ਸਾਲ ਪਰਮਾਣੂ ਪਾਵਰ ਪਲਾਂਟ ਵਿੱਚ ਧਮਾਕਾ ਹੋ ਸਕਦਾ ਹੈ। ਰੂਸ ਅਤੇ ਯੂਕਰੇਨ ਵਿਚਾਲੇ ਤਣਾਅ ਵਧਣ ਨਾਲ ਇਸ ਦਾ ਖਦਸ਼ਾ ਸਹੀ ਸਾਬਤ ਹੁੰਦਾ ਨਜ਼ਰ ਆ ਰਿਹਾ ਹੈ। ਇੰਨਾ ਹੀ ਨਹੀਂ, ਇਸ ਸਾਲ ਲੋਕ ਆਪਣੇ ਬੱਚਿਆਂ ਨੂੰ ਆਪਣੇ ਹਿਸਾਬ ਨਾਲ ਡਿਜ਼ਾਈਨ ਕਰਨਾ ਵੀ ਸ਼ੁਰੂ ਕਰ ਦੇਣਗੇ, ਮਤਲਬ ਕਿ ਕੁਦਰਤੀ ਜਨਮ ਖਤਮ ਹੋਣ ਤੋਂ ਬਾਅਦ, ਮਨੁੱਖ ਨੂੰ ਲੈਬ ਵਿੱਚ ਤਿਆਰ ਕੀਤਾ ਜਾਵੇਗਾ।
