ਫੈਕਟ ਸਮਾਚਾਰ ਸੇਵਾ
ਰਾਜਪੁਰਾ , ਮਾਰਚ 26
ਦ ਰਾਜਪੁਰਾ ਪ੍ਰੈੱਸ ਕਲੱਬ ਦੇ 2024-25 ਦੇ ਨਵੇਂ ਪ੍ਰਧਾਨ ਬਣਾਉਣ ਸਬੰਧੀ ਮੀਟਿੰਗ ਹੋਈ। ਜਿਸ ਵਿਚ ਸਰਬਸੰਮਤੀ ਨਾਲ ਵਿਜੈ ਵੋਹਰਾ ਨੂੰ ਸਾਲ 2024-25 ਦਾ ਨਵਾਂ ਪ੍ਰਧਾਨ ਚੁਣਿਆ ਗਿਆ ਅਤੇ ਉਨ੍ਹਾਂ ਨੂੰ ਆਪਣੀ ਕਾਰਜ ਕਾਰਣੀ ਬਣਾਉਣ ਦੇ ਅਧਿਕਾਰ ਦਿੱਤੇ ਗਏ।
ਇਸ ਮੌਕੇ ਦ ਰਾਜਪੁਰਾ ਪ੍ਰੈੱਸ ਕਲੱਬ ਦੇ ਸਾਰੇ ਮੈਂਬਰਾਂ ਨੇ ਨਵੇਂ ਬਣੇ ਪ੍ਰਧਾਨ ਵਿਜੇ ਵੋਹਰਾ ਨੂੰ ਮੁਬਾਰਕ ਦਿੰਦਿਆਂ ਫੁੱਲਾਂ ਦੇ ਹਾਰ ਪਾ ਕੇ ਸਨਮਾਨਿਤ ਕੀਤਾ। ਇਸ ਦੌਰਾਨ ਪ੍ਰਧਾਨ ਵਿਜੈ ਵੋਹਰਾ ਨੇ ਇਹ ਜ਼ਿੰਮੇਦਾਰੀ ਦੇਣ ਲਈ ਸਾਰੇ ਮੈਂਬਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਪੱਤਰਕਾਰਾਂ ਦੇ ਭਲੇ ਲਈ ਤਨਦੇਹੀ ਨਾਲ ਕੰਮ ਕਰਨਗੇ। ਉਨ੍ਹਾਂ ਨੇ ਆਪਣੀ ਕਾਰਜ ਕਾਰਣੀ ਬਣਾਉਂਦੇ ਹੋਏ ਪੈਟਰਨ ਅਰਜੁਨ ਢੀਂਗਰਾ, ਚੇਅਰਮੈਨ ਦੀਪਕ ਅਰੋੜਾ, ਸੀਨੀਅਰ ਵਾਇਸ ਚੇਅਰਮੈਨ ਗੁਰਮੀਤ ਸਿੰਘ ਬੇਦੀ, ਵਾਈਸ ਚੇਅਰਮੈਨ ਲਲਿਤ ਕੁਮਾਰ,ਜਨਰਲ ਸਕੱਤਰ ਹਿਮਾਂਸ਼ੂ ਹੈਰੀ, ਚੀਫ਼ ਐਡਵਾਈਜਰ ਡੀ ਐਸ ਕੱਕੜ, ਕੈਸ਼ੀਅਰ ਰਵਦੀਪ ਸੂਰੀ, ਐਗ਼ਜੀਕਿਉਟਿਵ ਮੈਂਬਰ ਸੁਦਰਸ਼ਨ ਢੀਂਗਰਾ ਅਤੇ ਲੀਗਲ ਐਡਵਾਈਜਰ ਐਡ. ਬਿਕਰਮ ਜੀਤ ਪਾਸੀ ਨੂੰ ਲਗਾਇਆ।
