ਫੈਕਟ ਸਮਾਚਾਰ ਸੇਵਾ
ਬੀਜਿੰਗ, ਅਕਤੂਬਰ 11
ਚੀਨ ਵਿੱਚ ਕਮਿਊਨਿਸਟ ਪਾਰਟੀ ਦੀ ਨੈਸ਼ਨਲ ਕਾਂਗਰਸ ਤੋਂ ਪਹਿਲਾਂ ਇੱਕ ਵਾਰ ਫਿਰ ਤੋਂ ਕੋਰੋਨਾ ਦਾ ਨਵਾਂ ਖ਼ਤਰਾ ਮੰਡਰਾਣਾ ਸ਼ੁਰੂ ਹੋ ਗਿਆ ਹੈ। ਇੱਥੇ Omicron ਦੇ ਦੋ ਨਵੇਂ ਉਪ ਰੂਪਾਂ ਦੀ ਪੁਸ਼ਟੀ ਕੀਤੀ ਗਈ ਹੈ, BF.7 ਅਤੇ BA.5.1.7। ਮਾਹਿਰਾਂ ਦਾ ਕਹਿਣਾ ਹੈ ਕਿ ਦੋਵੇਂ ਸਬ-ਵੇਰੀਐਂਟ ਬਹੁਤ ਜ਼ਿਆਦਾ ਛੂਤ ਵਾਲੇ ਹਨ ਅਤੇ BF.7 ਸਬ-ਵੇਰੀਐਂਟ ਚੀਨ ਦੇ ਕਈ ਸੂਬਿਆਂ ਵਿੱਚ ਫੈਲ ਗਿਆ ਹੈ।
ਰੋਗ ਰੋਕਥਾਮ ਅਤੇ ਨਿਯੰਤਰਣ ਲਈ ਸਥਾਨਕ ਕੇਂਦਰਾਂ ਦੇ ਡਿਪਟੀ ਡਾਇਰੈਕਟਰ ਲੀ ਸ਼ੁਜਿਆਨ ਨੇ ਕਿਹਾ ਕਿ BF.7 ਸਬਵੇਰਿਅੰਟ ਦੀ ਪਹਿਲੀ ਵਾਰ ਉੱਤਰ ਪੱਛਮੀ ਚੀਨ ਵਿੱਚ ਪੁਸ਼ਟੀ ਹੋਈ ਸੀ। ਜਦੋਂ ਕਿ ਬੀ.ਏ.5.1.7 ਚੀਨ ਵਿੱਚ ਵੀ ਪਾਇਆ ਗਿਆ ਹੈ। ਉੱਤਰੀ ਚੀਨੀ ਸੂਬੇ ਸ਼ਾਨਡੋਂਗ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਬੀਐਫ.7 ਦੀ ਪੁਸ਼ਟੀ 4 ਅਕਤੂਬਰ ਨੂੰ ਹੋਈ ਸੀ।
ਚੀਨ ਵਿੱਚ ਜ਼ੀਰੋ ਕੋਵਿਡ ਨੀਤੀ ਅਜੇ ਵੀ ਲਾਗੂ ਹੈ ਇਸ ਦੇ ਤਹਿਤ ਸਰਹੱਦ ‘ਤੇ ਪਾਬੰਦੀਆਂ, ਮਾਸ ਟੈਸਟਿੰਗ, ਵਿਆਪਕ ਕੁਆਰੰਟੀਨ, ਲਾਕਡਾਊਨ ਲਗਾਇਆ ਜਾਣਾ ਹੈ। ਜ਼ੀਰੋ ਕੋਵਿਡ ਨੀਤੀ ਲਾਗੂ ਹੋਣ ਕਾਰਨ ਚੀਨ ਦੇ ਨਾਗਰਿਕ ਸਖ਼ਤ ਪਾਬੰਦੀਆਂ ਵਿੱਚੋਂ ਗੁਜ਼ਰ ਰਹੇ ਹਨ। ਇਸ ਦੇ ਨਾਲ ਹੀ ਇਸ ਕਾਰਨ ਚੀਨ ਤੋਂ ਇਲਾਵਾ ਹੋਰ ਦੇਸ਼ਾਂ ਵਿੱਚ ਵੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੀ ਆਲੋਚਨਾ ਹੋ ਰਹੀ ਹੈ।
