ਇਸਲਾਮਾਬਾਦ : ਪਾਕਿਸਤਾਨ ਵਿੱਚ ਅਕਸਰ ਅਜੀਬ ਘਟਨਾਵਾਂ ਦੇ ਵੀਡੀਓ ਸਾਹਮਣੇ ਆਉਂਦੇ ਹਨ। ਇਸ ਵਾਰ ਪਾਕਿਸਤਾਨੀ ਕ੍ਰਿਕਟ ਟੀਮ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਦੇਖਿਆ ਜਾ ਸਕਦਾ ਹੈ ਕਿ ਪਾਕਿਸਤਾਨੀ ਕ੍ਰਿਕਟ ਟੀਮ ਇਸ ਤਰ੍ਹਾਂ ਟ੍ਰੇਨਿੰਗ ਲੈ ਰਹੀ ਹੈ ਜਿਵੇਂ ਉਸ ਨੇ ਫੌਜ ‘ਚ ਭਰਤੀ ਹੋਣਾ ਹੋਵੇ। ਸੋਸ਼ਲ ਮੀਡੀਆ ‘ਤੇ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕ ਇਸ ਦਾ ਮਜ਼ਾਕ ਵੀ ਉਡਾ ਰਹੇ ਹਨ। ਲੋਕ ਤਾਅਨੇ ਮਾਰ ਰਹੇ ਹਨ ਕਿ ਪਾਕਿਸਤਾਨੀ ਕ੍ਰਿਕਟ ਟੀਮ ਕ੍ਰਿਕਟ ਦੀ ਤਿਆਰੀ ਕਰ ਰਹੀ ਹੈ ਜਾਂ ਚੁੱਪਚਾਪ ਜੰਗ ਲੜਨ ਦੀ ਤਿਆਰੀ ਕਰ ਰਹੀ ਹੈ।
Which Mission is Pakistan Cricket Team Preparing for 🤔
— Richard Kettleborough (@RichKettle07) April 5, 2024
This Kind of training can be injury prone for players, if anyone slips on this rocky areas 🤐
God knows what they all are doing 😬 #PakistanCricket #SRHvsCSK #CSKvsSRH #AbhishekKumar pic.twitter.com/Gm3kvt7Tcy
ਵਾਇਰਲ ਹੋ ਰਹੀ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਨਸੀਮ ਸ਼ਾਹ, ਮੁਹੰਮਦ ਰਿਜ਼ਵਾਨ, ਇਫਤਿਕਾਰ ਅਹਿਮਦ ਫੌਜ ਦੇ ਜਵਾਨਾਂ ਨਾਲ ਡ੍ਰਿਲ ਕਰ ਰਹੇ ਹਨ। ਉਹ ਸਨਾਈਪਰ ਸ਼ੂਟਿੰਗ ਕਰਦੇ, ਵੱਡੇ ਪੱਥਰ ਚੁੱਕਦੇ ਅਤੇ ਆਲੇ-ਦੁਆਲੇ ਛਾਲ ਮਾਰਦੇ ਦੇਖੇ ਜਾ ਸਕਦੇ ਹਨ।
ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਖਿਡਾਰੀ ਜ਼ਖਮੀ ਹੋ ਸਕਦੇ ਹਨ ਅਤੇ ਉਨ੍ਹਾਂ ਦਾ ਕ੍ਰਿਕਟ ਕਰੀਅਰ ਵੀ ਬਰਬਾਦ ਹੋ ਸਕਦਾ ਹੈ। ਪਹਾੜਾਂ ‘ਤੇ ਚੜ੍ਹਦੇ ਸਮੇਂ ਜੇਕਰ ਉਹ ਫਿਸਲ ਜਾਂਦੇ ਹਨ ਤਾਂ ਉਹ ਜ਼ਖਮੀ ਹੋ ਸਕਦੇ ਹਨ। ਅੰਪਾਇਰ ਰਿਚਰਡ ਕੇਟਲਬਰੋ ਨੇ ਕਿਹਾ, ਪਾਕਿਸਤਾਨ ਟੀਮ ਕਿਸ ਮਿਸ਼ਨ ਦੀ ਤਿਆਰੀ ਕਰ ਰਹੀ ਹੈ ? ਇਸ ਤਰ੍ਹਾਂ ਦੀ ਸਿਖਲਾਈ ਨਾਲ ਖਿਡਾਰੀਆਂ ਨੂੰ ਸੱਟ ਵੀ ਲੱਗ ਸਕਦੀ ਹੈ। ਰੱਬ ਹੀ ਜਾਣਦਾ ਹੈ ਕਿ ਇਹ ਲੋਕ ਕੀ ਕਰ ਰਹੇ ਹਨ।
