ਜਸਵਿੰਦਰ ਕੌਰ
ਅਕਤੂਬਰ 2
ਗਲੋਇੰਗ ਸਕਿਨ ਪਾਉਣ ਲਈ ਜ਼ਰੂਰੀ ਨਹੀਂ ਕਿ ਤੁਸੀਂ ਬਾਜ਼ਾਰ ‘ਚ ਮਿਲਣ ਵਾਲੇ ਮਹਿੰਗੇ ਪ੍ਰੋਡਕਟਸ ਦੀ ਹੀ ਵਰਤੋਂ ਕਰੋ। ਘਰ ‘ਚ ਮੌਜੂਦ ਕੁਦਰਤੀ ਤੱਤਾਂ ਦੀ ਮਦਦ ਨਾਲ ਸਕਿਨ ਦੀਆਂ ਸਮੱਸਿਆਵਾਂ ਨੂੰ ਦੂਰ ਕੀਤਾ ਜਾ ਸਕਦਾ ਹੈ। ਉਦਾਹਰਣ ਦੇ ਤੌਰ ‘ਤੇ ਜੇਕਰ ਤੁਸੀਂ ਆਪਣੀ ਸਕਿਨ ਦੇ ਕਾਲੇਪਨ ਨੂੰ ਦੂਰ ਕਰਕੇ ਪਾਰਲਰ ਵਰਗਾ ਗਲੋਅ ਲੈਣਾ ਚਾਹੁੰਦੇ ਹੋ ਤਾਂ ਅਜਿਹੀ ਸਥਿਤੀ ‘ਚ ਆਲੂ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਆਲੂ ਨੂੰ ਸਕਿਨ ਲਾਈਟਨਿੰਗ ਏਜੰਟ ਦੇ ਤੌਰ ‘ਤੇ ਦੇਖਿਆ ਜਾਂਦਾ ਹੈ, ਜਿਸ ਕਾਰਨ ਇਹ ਤੁਹਾਡੀ ਸਕਿਨ ਨੂੰ ਚਮਕਦਾਰ ਬਣਾਉਣ ‘ਚ ਮਦਦਗਾਰ ਹੁੰਦਾ ਹੈ। ਤੁਸੀਂ ਇਸਦੀ ਵਰਤੋਂ ਇੱਕ ਨਹੀਂ, ਸਗੋਂ ਕਈ ਵੱਖ-ਵੱਖ ਤਰੀਕਿਆਂ ਨਾਲ ਕਰ ਸਕਦੇ ਹੋ। ਆਓ ਤੁਹਾਨੂੰ ਇਸ ਬਾਰੇ ਦੱਸਦੇ ਹਾਂ :
ਆਲੂ ਨਾਲ ਬਣਾਓ ਫੇਸ ਮਾਸਕ
ਆਲੂ ਦੇ ਫੇਸ ਮਾਸਕ ਵਿੱਚ ਮੌਜੂਦ ਵਿਟਾਮਿਨ ਸੀ ਤੁਹਾਡੀ ਸਕਿਨ ਨੂੰ ਚਮਕਦਾਰ ਬਣਾਉਣ ਵਿੱਚ ਮਦਦ ਕਰੇਗਾ। ਇਸ ਦੇ ਲਈ ਅੱਧੇ ਆਲੂ ਨੂੰ ਪੀਸ ਕੇ ਉਸ ‘ਚ 1 ਚੱਮਚ ਛੋਲਿਆਂ ਦਾ ਆਟਾ ਅਤੇ 1 ਚੱਮਚ ਨਿੰਬੂ ਦਾ ਰਸ ਮਿਲਾਓ। ਇਸ ਨੂੰ ਚਿਹਰੇ ‘ਤੇ ਲਗਾਓ ਅਤੇ 15 ਮਿੰਟ ਲਈ ਛੱਡ ਦਿਓ। ਅੰਤ ‘ਚ ਪਾਣੀ ਦੀ ਮਦਦ ਨਾਲ ਚਿਹਰਾ ਧੋ ਲਓ।
ਆਲੂ ਨਾਲ ਬਣਾਓ ਚਿਹਰੇ ਦਾ ਸਕਰਬ
ਸਕਿਨ ਨੂੰ ਚਮਕਦਾਰ ਬਣਾਉਣ ਅਤੇ ਮ੍ਰਿਤ ਸਕਿਨ ਸੈੱਲਾਂ ਨੂੰ ਹਟਾਉਣ ਲਈ ਆਲੂ ਦਾ ਸਕ੍ਰਬ ਵੀ ਬਣਾ ਸਕਦੇ ਹੋ। ਇਸ ਦੇ ਲਈ ਅੱਧਾ ਪੀਸਿਆ ਹੋਇਆ ਆਲੂ , ਅੱਧਾ ਚਮਚ ਓਟਮੀਲ ਅਤੇ ਅੱਧਾ ਚਮਚ ਦੁੱਧ ਵਿੱਚ ਮਿਲਾ ਲਓ। ਇਸ ਮਿਸ਼ਰਣ ਨਾਲ 8 ਤੋਂ 10 ਮਿੰਟ ਤੱਕ ਆਪਣੇ ਚਿਹਰੇ ਨੂੰ ਹੌਲੀ-ਹੌਲੀ ਰਗੜੋ। ਦੁੱਧ ਵਿੱਚ ਲੈਕਟਿਕ ਐਸਿਡ ਹੁੰਦਾ ਹੈ ਜੋ ਇਸ ਫੇਸ ਸਕਰਬ ਦੇ ਐਕਸਫੋਲੀਏਟਿੰਗ ਪ੍ਰਭਾਵ ਨੂੰ ਵੀ ਮਜ਼ਬੂਤ ਕਰੇਗਾ ਜਦੋਂ ਕਿ ਇਸ ਵਿੱਚ ਮੌਜੂਦ ਫੈਟੀ ਐਸਿਡ ਤੁਹਾਡੀ ਸਕਿਨ ਦੀ ਨਮੀ ਨੂੰ ਬਰਕਰਾਰ ਰੱਖਣ ਵਿੱਚ ਮਦਦ ਕਰੇਗਾ।
ਡਾਰਕ ਸਰਕਲਸ ਲਈ ਆਲੂਆਂ ਨਾਲ ਬਣਾਓ ਅੰਡਰ ਆਈਜ਼ ਮਾਸਕ
ਕਾਲੇ ਘੇਰੇ ਤੁਹਾਡੀ ਕੁਦਰਤੀ ਸੁੰਦਰਤਾ ਨੂੰ ਖੋਹ ਲੈਂਦੇ ਹਨ ਅਤੇ ਤੁਹਾਨੂੰ ਥੱਕੇ ਹੋਏ ਦਿਖਾਈ ਦੇ ਸਕਦੇ ਹਨ। ਅਜਿਹੇ ‘ਚ ਆਲੂਆਂ ਦੀ ਮਦਦ ਨਾਲ ਇਸ ਸਮੱਸਿਆ ਨੂੰ ਅਲਵਿਦਾ ਕਹਿ ਸਕਦੇ ਹੋ। ਆਲੂਆਂ ਦੇ ਦੋ ਟੁਕੜਿਆਂ ‘ਤੇ ਐਲੋਵੇਰਾ ਲਗਾਓ। ਹੁਣ ਇਨ੍ਹਾਂ ਨੂੰ ਅੱਖਾਂ ‘ਤੇ ਰੱਖੋ ਅਤੇ 20 ਮਿੰਟ ਲਈ ਛੱਡ ਦਿਓ। ਅੰਤ ਵਿੱਚ ਇਹਨਾਂ ਨੂੰ ਹਟਾਓ ਅਤੇ ਚਿਹਰਾ ਧੋ ਲਓ। ਇੱਕ ਪਾਸੇ ਆਲੂ ਤੁਹਾਡੇ ਕਾਲੇ ਘੇਰਿਆਂ ਨੂੰ ਹਲਕਾ ਕਰਨਗੇ ਅਤੇ ਦੂਜੇ ਪਾਸੇ ਐਲੋਵੇਰਾ ਸੋਜ ਨੂੰ ਦੂਰ ਕਰੇਗਾ। ਨਵੀਂ ਦਿੱਖ ਲਈ ਹਰ ਰੋਜ਼ ਇਸ ਉਪਾਅ ਨੂੰ ਅਜ਼ਮਾਓ।