ਫੈਕਟ ਸਮਾਚਾਰ ਸੇਵਾ
ਰੋਹਤਕ, ਦਸੰਬਰ 12
ਵਿਨੇਸ਼ ਫੋਗਾਟ ਨੇ ਆਪਣਾ ਸੰਨਿਆਸ ਵਾਪਸ ਲੈਣ ਅਤੇ ਕੁਸ਼ਤੀ ਵਿਚ ਵਾਪਸੀ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਉਹ 2028 ਲਾਸ ਏਂਜਲਸ ਉਲੰਪਿਕ ਵਿਚ ਹਿੱਸਾ ਲੈਣਾ ਚਾਹੁੰਦੀ ਹੈ। ਵਿਨੇਸ਼ ਨੇ ਇਹ ਜਾਣਕਾਰੀ ਇਕ ਸੋਸ਼ਲ ਮੀਡੀਆ ਪੋਸਟ ਵਿਚ ਸਾਂਝੀ ਕੀਤੀ।
ਵਿਨੇਸ਼ 2024 ਪੈਰਿਸ ਉਲੰਪਿਕ ਦੇ ਫਾਈਨਲ ਵਿਚ ਪਹੁੰਚਣ ਵਾਲੀ ਪਹਿਲੀ ਭਾਰਤੀ ਪਹਿਲਵਾਨ ਬਣੀ ਸੀ। ਹਾਲਾਂਕਿ ਫਾਈਨਲ ਤੋਂ ਪਹਿਲਾਂ ਉਸ ਦਾ ਭਾਰ 100 ਗ੍ਰਾਮ ਜ਼ਿਆਦਾ ਪਾਇਆ ਗਿਆ ਸੀ, ਜਿਸ ਕਾਰਨ ਉਸ ਨੂੰ ਅਯੋਗ ਕਰਾਰ ਦਿੱਤਾ ਗਿਆ ਸੀ। ਬਾਅਦ ਵਿਚ ਉਸ ਨੇ ਕੁਸ਼ਤੀ ਤੋਂ ਸੰਨਿਆਸ ਲੈ ਲਿਆ। ਵਿਨੇਸ਼ ਇਸ ਸਮੇਂ ਜੁਲਾਨਾ, ਹਰਿਆਣਾ ਤੋਂ ਕਾਂਗਰਸ ਵਿਧਾਇਕ ਹੈ।
ਵਿਨੇਸ਼ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ ਕਿ ਲੋਕ ਪੁੱਛਦੇ ਰਹੇ ਕਿ ਕੀ ਪੈਰਿਸ ਅੰਤ ਹੈ। ਲੰਬੇ ਸਮੇਂ ਤੋਂ ਮੇਰੇ ਕੋਲ ਕੋਈ ਜਵਾਬ ਨਹੀਂ ਸੀ। ਮੈਨੂੰ ਮੈਟ ਤੋਂ, ਦਬਾਅ ਤੋਂ, ਉਮੀਦਾਂ ਤੋਂ ਅਤੇ ਇਥੋਂ ਤੱਕ ਕਿ ਆਪਣੇ ਸੁਪਨਿਆਂ ਤੋਂ ਵੀ ਦੂਰ ਜਾਣ ਦੀ ਲੋੜ ਸੀ। ਸਾਲਾਂ ਵਿਚ ਪਹਿਲੀ ਵਾਰ ਮੈਂ ਆਪਣੇ ਆਪ ਨੂੰ ਸਾਹ ਲੈਣ ਦਿੱਤਾ। ਮੈਂ ਆਪਣੇ ਸਫ਼ਰ ਦੇ ਬੋਝ ਨੂੰ ਸਮਝਣ ਲਈ ਸਮਾਂ ਕੱਢਿਆ। ਉਤਰਾਅ-ਚੜ੍ਹਾਅ, ਦਿਲ ਟੁੱਟਣਾ, ਕੁਰਬਾਨੀਆਂ, ਮੇਰੇ ਪੱਖ ਜੋ ਦੁਨੀਆ ਨੇ ਕਦੇ ਨਹੀਂ ਦੇਖੇ ਅਤੇ ਉਸ ਪ੍ਰਤੀਬਿੰਬ ਵਿਚ ਕਿਤੇ ਨਾ ਕਿਤੇ ਮੈਨੂੰ ਸੱਚਾਈ ਦਾ ਪਤਾ ਲੱਗਿਆ। ਮੈਨੂੰ ਅਜੇ ਵੀ ਇਸ ਖੇਡ ਨਾਲ ਪਿਆਰ ਹੈ। ਮੈਂ ਅਜੇ ਵੀ ਮੁਕਾਬਲਾ ਕਰਨਾ ਚਾਹੁੰਦੀ ਹਾਂ।
ਉਸ ਨੇ ਅੱਗੇ ਲਿਖਿਆ ਕਿ ਇਸ ਵਾਰ ਮੈਂ ਇਕੱਲੀ ਨਹੀਂ ਤੁਰ ਰਹੀ। ਉਸ ਚੁੱਪ ਵਿਚ, ਮੈਨੂੰ ਕੁਝ ਅਜਿਹਾ ਮਿਲਿਆ ਜੋ ਮੈਂ ਭੁੱਲ ਗਈ ਸੀ। ਅੱਗ ਕਦੇ ਨਹੀਂ ਮਰਦੀ। ਇਹ ਸਿਰਫ਼ ਥਕਾਵਟ ਅਤੇ ਸ਼ੋਰ ਦੇ ਹੇਠਾਂ ਦੱਬਿਆ ਹੋਇਆ ਸੀ। ਅਨੁਸ਼ਾਸਨ, ਰੁਟੀਨ, ਲੜਾਈ… ਇਹ ਸਭ ਮੇਰੇ ਸਿਸਟਮ ਵਿਚ ਹੈ। ਭਾਵੇਂ ਮੈਂ ਕਿੰਨੀ ਵੀ ਦੂਰ ਤੁਰਦੀ ਹਾਂ, ਮੇਰਾ ਇਕ ਹਿੱਸਾ ਮੈਟ ‘ਤੇ ਰਹਿੰਦਾ ਹੈ। ਇਸ ਲਈ ਮੈਂ ਇਥੇ ਹਾਂ, LA28 ਵੱਲ ਇਕ ਨਿਡਰ ਦਿਲ ਅਤੇ ਇਕ ਅਜਿਹੀ ਭਾਵਨਾ ਨਾਲ ਵਾਪਸ ਕਦਮ ਰੱਖ ਰਹੀ ਹਾਂ ਜੋ ਝੁਕਣ ਤੋਂ ਇਨਕਾਰ ਕਰਦੀ ਹੈ ਅਤੇ ਇਸ ਵਾਰ ਮੈਂ ਇਕੱਲੀ ਨਹੀਂ ਤੁਰ ਰਹੀ, ਮੇਰਾ ਪੁੱਤਰ ਮੇਰੀ ਟੀਮ ਵਿਚ ਸ਼ਾਮਿਲ ਹੋ ਰਿਹਾ ਹੈ, ਮੇਰੀ ਸਭ ਤੋਂ ਵੱਡੀ ਪ੍ਰੇਰਨਾ। ਲਾਂਸ ਏਜੰਲਸ ਉਲੰਪਿਕ ਦੇ ਇਸ ਰਸਤੇ ‘ਤੇ ਮੇਰਾ ਛੋਟਾ ਚੀਅਰਲੀਡਰ।
