ਫੈਕਟ ਸਮਾਚਾਰ ਸੇਵਾ
ਮੁੰਬਈ , ਜੂਨ 6
‘ਬਿੱਗ ਬੌਸ’ ਸ਼ੋਅ ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲ ਰਿਹਾ ਹੈ। ਇਸ ਸ਼ੋਅ ਦੇ ਟੀਵੀ ਅਤੇ ਓਟੀਟੀ ਦੋਨੋਂ ਸੰਸਕਰਣਾਂ ਨੂੰ ਦਰਸ਼ਕਾਂ ਵਲੋਂ ਬਹੁਤ ਪਸੰਦ ਕੀਤਾ ਗਿਆ ਹੈ। ਇੱਕ ਵਾਰ ਫਿਰ ਤੋਂ ਇਹ ਸ਼ੋਅ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਤਿਆਰ ਹੈ। ਭਾਰਤ ਦੇ ਸਭ ਤੋਂ ਵੱਡੇ ਡਿਜੀਟਲ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ’ OTT ਦਾ ਤੀਜਾ ਸੀਜ਼ਨ ਜਲਦੀ ਹੀ ਪ੍ਰੀਮੀਅਰ ਹੋਣ ਜਾ ਰਿਹਾ ਹੈ। ਕੁਝ ਦਿਨ ਪਹਿਲਾਂ ਸ਼ੋਅ ਦੇ ਨਿਰਮਾਤਾਵਾਂ ਨੇ ਇਸ ਵਾਰ ਸ਼ੋਅ ਦੇ ਹੋਸਟ ਨੂੰ ਲੈ ਕੇ ਕਾਫੀ ਸਸਪੈਂਸ ਪੈਦਾ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਦਰਸ਼ਕਾਂ ‘ਚ ਸ਼ੋਅ ਨੂੰ ਲੈ ਕੇ ਉਤਸੁਕਤਾ ਹੋਰ ਵੀ ਵਧ ਗਈ ਸੀ। ਮੇਕਰਸ ਨੇ ਹੁਣ ਸ਼ੋਅ ਦੇ ਹੋਸਟ ਦਾ ਖੁਲਾਸਾ ਕਰ ਦਿੱਤਾ ਹੈ।
ਹੁਣ ਜੀਓ ਸਿਨੇਮਾ ਵਲੋਂ ਇੰਸਟਾਗ੍ਰਾਮ ‘ਤੇ ਇੱਕ ਸਹਿਯੋਗੀ ਪੋਸਟ ਸ਼ੇਅਰ ਕੀਤੀ ਗਈ ਹੈ, ਜਿਸ ਵਿੱਚ ਸੀਜ਼ਨ ਦੇ ਪ੍ਰੀਮੀਅਰ ਦਾ ਐਲਾਨ ਕੀਤਾ ਗਿਆ ਹੈ। ਫਾਈਟਰ ਐਕਟਰ ਅਨਿਲ ਕਪੂਰ ‘ਬਿੱਗ ਬੌਸ’ ਓਟੀਟੀ ਦੇ ਇਸ ਤੀਜੇ ਸੀਜ਼ਨ ਨੂੰ ਹੋਸਟ ਕਰਨ ਜਾ ਰਹੇ ਹਨ। ਉਹ ਜਲਦ ਹੀ ਬਿੱਗ ਬੌਸ ਦੇ ਘਰ ‘ਚ ਆਪਣਾ ਜਲਵਾ ਬਿਖੇਰਦੇ ਨਜ਼ਰ ਆਉਣਗੇ। ਅਨਿਲ ਕਪੂਰ ਦੇ ਨਾਲ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ “ਅਨਿਲ ਕਪੂਰ ਇੱਥੇ ਬਿੱਗ ਬੌਸ ਓਟੀਟੀ 3 ਦੇ ਨਵੇਂ ਹੋਸਟ ਦੇ ਰੂਪ ਵਿੱਚ ਹਨ। ਵੱਡੇ ਪਰਦੇ ਉੱਤੇ ਰਾਜ ਕਰਨ ਤੋਂ ਬਾਅਦ ਹੁਣ ਅਨਿਲ ਹੁਣ ਬਿੱਗ ਬੌਸ ਦੇ ਘਰ ਵਿੱਚ ਰਾਜ ਕਰਨ ਆ ਰਹੇ ਹਨ।” 21 ਜੂਨ ਤੋਂ ਸ਼ੁਰੂ ਹੋਣ ਵਾਲੇ ਬਿੱਗ ਬੌਸ ਓਟੀਟੀ ਵਿੱਚ ਉਨ੍ਹਾਂ ਦਾ ਜਾਦੂ ਦੇਖਣਾ ਬਹੁਤ ਖਾਸ ਹੈ।
ਅਨਿਲ ਕਪੂਰ ਨੇ ‘ਬਿੱਗ ਬੌਸ’ ਓਟੀਟੀ ਨੂੰ ਹੋਸਟ ਕਰਨ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ “ਬਿੱਗ ਬੌਸ ਓਟੀਟੀ ਅਤੇ ਮੈਂ ਇੱਕ ਸੁਪਨਿਆਂ ਦੀ ਟੀਮ ਹਾਂ। ਅਸੀਂ ਦੋਵੇਂ ਦਿਲ ਤੋਂ ਜਵਾਨ ਹਾਂ। ਲੋਕ ਅਕਸਰ ਕਹਿੰਦੇ ਹਨ ਕਿ ਮੈਂ ਹਰ ਸਮੇਂ ਜਵਾਨ ਹੋ ਰਿਹਾ ਹਾਂ, ਪਰ ਅਸਲੀ ਬਿੱਗ ਬੌਸ ਸਮੇਂ ਦੀ ਸੀਮਾ ਤੋਂ ਬਾਹਰ ਹੈ। ਮੈਂ ਇਹ ਸਕੂਲ ਵਿੱਚ ਸਿੱਖਿਆ ਹੈ। ਇਹ ਮਹਿਸੂਸ ਹੁੰਦਾ ਹੈ ਕਿ ਵਾਪਸ ਜਾਣਾ, ਕੁਝ ਨਵਾਂ ਅਤੇ ਦਿਲਚਸਪ ਕੋਸ਼ਿਸ਼ ਕਰਨਾ।
