ਡਿਜੀਟਲ ਬਿਜ਼ਨਸ ਮਾਰਕੀਟਿੰਗ ਅਪ੍ਰੈਂਟਿਸ ਪ੍ਰੋਗਰਾਮ ਲਈ ਅਰਜ਼ੀਆਂ ਨੂੰ ਸੱਦਾ
23 ਅਕਤੂਬਰ ਤੱਕ ਜਮ੍ਹਾਂ ਕਰਵਾਈਆਂ ਅਰਜ਼ੀਆਂ ਹੀ ਸਵੀਕਾਰ ਹੋਣਗੀਆਂ
ਗੂਗਲ ‘ਚ ਕੰਮ ਕਰਨ ਦੇ ਚਾਹਵਾਨ ਨੌਜਵਾਨਾਂ ਲਈ ਖੁਸ਼ਖਬਰੀ ਹੈ। ਗੂਗਲ ਨੇ ਆਪਣੇ ਡਿਜੀਟਲ ਬਿਜ਼ਨਸ ਮਾਰਕੀਟਿੰਗ ਅਪ੍ਰੈਂਟਿਸ ਪ੍ਰੋਗਰਾਮ ਲਈ ਅਰਜ਼ੀਆਂ ਨੂੰ ਸੱਦਾ ਦਿੱਤਾ ਹੈ। ਜਿਹੜੇ ਲੋਕ ਯੋਗ ਹਨ ਉਹ ਗੂਗਲ ਦੇ ਕਰੀਅਰ ਸੈਕਸ਼ਨ ‘ਤੇ ਜਾ ਕੇ ਅਪਲਾਈ ਕਰ ਸਕਦੇ ਹਨ। ਅਸੀਂ ਤੁਹਾਨੂੰ ਪਹਿਲਾਂ ਹੀ ਦੱਸ ਦੇਈਏ ਕਿ ਇਹ ਫੁੱਲ-ਟਾਈਮ ਪੋਜੀਸ਼ਨ ਨਹੀਂ ਹੈ। ਇਹ ਸਿਰਫ਼ ਦੋ ਸਾਲਾਂ ਲਈ ਹੈ। ਗੂਗਲ ‘ਤੇ ਅਪ੍ਰੈਂਟਿਸਸ਼ਿਪ ਤੁਹਾਡੇ ਕੈਰੀਅਰ ਨੂੰ ਨਵੀਂ ਦਿਸ਼ਾ ਦੇਣ ਦਾ ਮੌਕਾ ਸਾਬਤ ਹੋ ਸਕਦੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇਹ ਪ੍ਰੋਗਰਾਮ ਉਨ੍ਹਾਂ ਨੌਜਵਾਨਾਂ ਲਈ ਹੈ ਜੋ ਡਿਜੀਟਲ ਮਾਰਕੀਟਿੰਗ ਵਿੱਚ ਕਰੀਅਰ ਬਣਾਉਣਾ ਚਾਹੁੰਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਅਪ੍ਰੈਂਟਿਸ ਪ੍ਰੋਗਰਾਮ ਗੂਗਲ ਦੇ ਭਾਰਤੀ ਦਫਤਰ ਦੀ ਸਥਿਤੀ ਲਈ ਹੈ, ਇਹ ਪ੍ਰੋਗਰਾਮ ਖਾਸ ਤੌਰ ‘ਤੇ ਉਨ੍ਹਾਂ ਉਮੀਦਵਾਰਾਂ ਲਈ ਹੈ ਜੋ ਡਿਜੀਟਲ ਮਾਰਕੀਟਿੰਗ ਵਿੱਚ ਆਪਣਾ ਕਰੀਅਰ ਬਣਾਉਣਾ ਚਾਹੁੰਦੇ ਹਨ। ਅਪਲਾਈ ਕਰਦੇ ਸਮੇਂ, ਉਮੀਦਵਾਰਾਂ ਨੂੰ ਆਪਣੇ ਪਸੰਦੀਦਾ ਕੰਮਕਾਜੀ ਸਥਾਨ ਬਾਰੇ ਸੂਚਿਤ ਕਰਨਾ ਹੋਵੇਗਾ। ਭਾਰਤ ਵਿੱਚ ਗੂਗਲ ਵਿੱਚ ਕੰਮ ਕਰਨ ਦੇ ਵਿਕਲਪ ਹੈਦਰਾਬਾਦ, ਗੁਰੂਗ੍ਰਾਮ, ਮੁੰਬਈ, ਬੰਗਲੌਰ ਵਿੱਚ ਹਨ।
ਹਾਲ ਹੀ ਵਿੱਚ ਗ੍ਰੈਜੂਏਟ ਹੋਏ ਵਿਦਿਆਰਥੀ ਵੀ ਇਸ ਅਪ੍ਰੈਂਟਿਸਸ਼ਿਪ ਲਈ ਅਪਲਾਈ ਕਰ ਸਕਦੇ ਹਨ। ਇਸ ਦੇ ਲਈ 23 ਅਕਤੂਬਰ ਰਾਤ 11 ਵਜੇ ਤੱਕ ਜਮ੍ਹਾਂ ਕਰਵਾਈਆਂ ਅਰਜ਼ੀਆਂ ਹੀ ਸਵੀਕਾਰ ਕੀਤੀਆਂ ਜਾਣਗੀਆਂ।
ਯੋਗਤਾ
ਬੈਚਲਰ ਡਿਗਰੀ ਅਤੇ ਇਸਦੇ ਬਰਾਬਰ
ਗ੍ਰੈਜੂਏਸ਼ਨ ਤੋਂ ਬਾਅਦ ਡਿਜੀਟਲ ਮਾਰਕੀਟਿੰਗ ਕਾਰੋਬਾਰ ਵਿੱਚ ਇੱਕ ਸਾਲ ਦਾ ਤਜਰਬਾ
