ਨਵੀਂ ਦਿੱਲੀ : ਸੈਂਸੈਕਸ ਨੇ ਅੱਜ ਇੱਕ ਹੋਰ ਇਤਿਹਾਸ ਰਚਿਆ ਅਤੇ ਪਹਿਲੀ ਵਾਰ ਸੈਂਸੈਕਸ 71000 ਨੂੰ ਪਾਰ ਕੀਤਾ। ਅੱਜ ਇਸ ਨੇ 71084 ਦਾ ਨਵਾਂ ਆਲ ਟਾਈਮ ਬਣਾ ਦਿੱਤਾ। ਇਸ ਦੌਰਾਨ ਇਸ ਨੇ 570 ਅੰਕਾਂ ਤੋਂ ਵੱਧ ਦਾ ਵਾਧਾ ਦਰਜ ਕੀਤਾ। ਜਦੋਂ ਕਿ ਨਿਫਟੀ ਨੇ ਪਹਿਲੀ ਵਾਰ 21350 ਦੇ ਪੱਧਰ ਨੂੰ ਪਾਰ ਕੀਤਾ। ਸਵੇਰੇ ਕਰੀਬ 10:31 ਵਜੇ ਨਿਫਟੀ 151 ਅੰਕ ਚੜ੍ਹ ਕੇ 21334 ‘ਤੇ ਅਤੇ ਸੈਂਸੈਕਸ 505 ਅੰਕ ਚੜ੍ਹ ਕੇ 71019 ‘ਤੇ ਸੀ।
ਸਟਾਕ ਮਾਰਕੀਟ ਨੇ ਅੱਜ ਵੀ ਰਿਕਾਰਡ ਤੋੜਨਾ ਸ਼ੁਰੂ ਕਰ ਦਿੱਤਾ ਹੈ। ਸੈਂਸੈਕਸ 289 ਅੰਕਾਂ ਦੇ ਵਾਧੇ ਨਾਲ 70804 ਦੇ ਸਭ ਤੋਂ ਉੱਚੇ ਪੱਧਰ ‘ਤੇ ਖੁੱਲ੍ਹਿਆ, ਜਦੋਂ ਕਿ ਨਿਫਟੀ 50 ਨੇ 104 ਅੰਕਾਂ ਦੇ ਵਾਧੇ ਨਾਲ 21287 ‘ਤੇ ਦਿਨ ਦਾ ਕਾਰੋਬਾਰ ਸ਼ੁਰੂ ਕੀਤਾ। ਇਹ ਪਹਿਲੀ ਵਾਰ ਹੈ ਜਦੋਂ ਸੈਂਸੈਕਸ 70800 ਦੇ ਉੱਪਰ ਖੁੱਲ੍ਹਿਆ ਹੈ। ਸ਼ੁਰੂਆਤੀ ਕਾਰੋਬਾਰ ‘ਚ ਹੀ ਸੈਂਸੈਕਸ 70853.56 ਦੇ ਨਵੇਂ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਡਾਓ ਜੋਂਸ ਇੰਡਸਟ੍ਰੀਅਲ ਔਸਤ 158 ਅੰਕਾਂ ਦੀ ਛਾਲ ਮਾਰ ਕੇ 37248 ਦੇ ਪੱਧਰ ‘ਤੇ, ਜਦੋਂ ਕਿ S&P 500 12 ਅੰਕ ਜਾਂ 0.26% ਵਧ ਕੇ 4,719 ‘ਤੇ ਪਹੁੰਚ ਗਿਆ। ਨੈਸਡੈਕ ਕੰਪੋਜ਼ਿਟ 27 ਅੰਕ ਭਾਵ 0.19% ਦੀ ਤੇਜ਼ੀ ਨਾਲ 14,761 ਦੇ ਪੱਧਰ ‘ਤੇ ਬੰਦ ਹੋਇਆ ਹੈ।
ਨਿਫਟੀ ਦੇ ਟਾਪ ਗੇਨਰਾਂ ‘ਚ ਹਿੰਡਾਲਕੋ 2.65 ਫੀਸਦੀ ਦੇ ਵਾਧੇ ਨਾਲ 557.5 ‘ਤੇ ਰਿਹਾ। JSW ਸਟੀਲ ਵੀ 2.07 ਫੀਸਦੀ ਵਧ ਕੇ 864.9 ਰੁਪਏ ‘ਤੇ ਰਿਹਾ। ਟਾਟਾ ਸਟੀਲ 1.67 ਫੀਸਦੀ ਵਧ ਕੇ 134.2 ਰੁਪਏ ‘ਤੇ, ਇਨਫੋਸਿਸ 1.62 ਫੀਸਦੀ ਵਧ ਕੇ 1525.75 ਰੁਪਏ ‘ਤੇ ਅਤੇ ਓਐਨਜੀਸੀ 1.43 ਫੀਸਦੀ ਵਧ ਕੇ 198.75 ਰੁਪਏ ‘ਤੇ ਕਾਰੋਬਾਰ ਕਰ ਰਿਹਾ ਸੀ।
ਬੈਂਕ ਨਿਫਟੀ ਸ਼ੁਰੂਆਤੀ ਕਾਰੋਬਾਰ ‘ਚ ਮਾਮੂਲੀ ਗਿਰਾਵਟ ਦੇ ਨਾਲ ਲਾਲ ਨਿਸ਼ਾਨ ‘ਤੇ ਹੈ। ਨਿਫਟੀ ਫਾਈਨੈਂਸ਼ੀਅਲ ਸਰਵਿਸਿਜ਼, ਐੱਫਐੱਮਸੀਜੀ, ਰਿਐਲਟੀ ਸੂਚਕਾਂਕ ਵੀ ਕਮਜ਼ੋਰ ਨਜ਼ਰ ਆਏ। ਨਿਫਟੀ ਮੈਟਲ ਇੰਡੈਕਸ ‘ਚ ਜ਼ਬਰਦਸਤ ਵਾਧਾ ਦਰਜ ਕੀਤਾ ਗਿਆ। ਆਈਟੀ ਇੰਡੈਕਸ ਅਜੇ ਵੀ ਮਜ਼ਬੂਤ ਬੜ੍ਹਤ ਬਰਕਰਾਰ ਰੱਖ ਰਿਹਾ ਹੈ। ਮੀਡੀਆ, ਫਾਰਮਾ, ਪੀਐਸਯੂ ਬੈਂਕ, ਪ੍ਰਾਈਵੇਟ ਬੈਂਕ ਵੀ ਹਰੇ ਰੰਗ ਵਿੱਚ ਕਾਰੋਬਾਰ ਕਰ ਰਹੇ ਸਨ।
ਅਡਾਨੀ ਪਾਵਰ ਸ਼ੁਰੂਆਤੀ ਕਾਰੋਬਾਰ ‘ਚ 529 ਰੁਪਏ ‘ਤੇ ਸੀ। ਅਡਾਨੀ ਐਂਟਰਪ੍ਰਾਈਜ਼ 0.29 ਫੀਸਦੀ ਵਧ ਕੇ 2902.30 ਰੁਪਏ ‘ਤੇ ਰਿਹਾ। ਜਦੋਂ ਕਿ ਅਡਾਨੀ ਟੋਟਲ ਗੈਸ ਅੱਜ 0.62 ਫੀਸਦੀ ਡਿੱਗ ਕੇ 1045.00 ਰੁਪਏ ‘ਤੇ ਅਤੇ ਅਡਾਨੀ ਗ੍ਰੀਨ ਐਨਰਜੀ 2.05 ਫੀਸਦੀ ਵਧ ਕੇ 1515.35 ਰੁਪਏ ‘ਤੇ ਰਹੀ। ਅਡਾਨੀ ਵਿਲਮਰ 0.27 ਫੀਸਦੀ ਡਿੱਗ ਕੇ 369 ਰੁਪਏ ‘ਤੇ ਬੰਦ ਹੋਇਆ।
