ਫੈਕਟ ਸਮਾਚਾਰ ਸੇਵਾ
ਸਮਾਲਸਰ, ਸਤੰਬਰ 13
ਕਵੀਸ਼ਰੀ ਗਾਉਣ ਲਈ ਜਾਣੇ ਜਾਂਦੇ ਕਸਬਾ ਸਮਾਲਸਰ ਦੇ ਕਵੀਸ਼ਰ ਮੱਖਣ ਸਿੰਘ ਮੁਸਾਫਰ ਦੇ ਅੱਜ ਲਗਭਗ ਸਵੇਰੇ 6 ਵਜੇ ਤੋਂ ਐਨ.ਆਈ.ਏ. ਦੀ ਟੀਮ ਵਲੋਂ ਛਾਪੇਮਾਰੀ ਕਰਕੇ ਲਗਾਤਾਰ ਜਾਂਚ ਕੀਤੀ ਜਾ ਰਹੀ ਹੈ। ਜਾਣਕਾਰੀ ਅਨੁਸਾਰ ਕਵੀਸ਼ਰ ਮੱਖਣ ਸਿੰਘ ਘਰ ਵਿਚ ਮੌਜੂਦ ਨਹੀਂ ਮਿਲੇ।
ਮੋਹਾਲੀ ਤੋਂ ਸਵੇਰੇ ਕਰੀਬ 6 ਵਜੇ ਆਈ ਐਨ.ਆਈ.ਏ. ਦੀ ਟੀਮ ਵਲੋਂ ਮੱਖਣ ਸਿੰਘ ਮੁਸਾਫ਼ਿਰ ਦੇ ਘਰ ਅੰਦਰ 9 ਵਜੇ ਤੱਕ ਵੀ ਜਾਂਚ ਪੜਤਾਲ ਕੀਤੀ ਜਾ ਰਹੀ ਸੀ। ਸਥਾਨਕ ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਸੰਬੰਧੀ ਕੋਈ ਜਾਣਕਾਰੀ ਨਹੀਂ ਕਿ ਇਹ ਛਾਪੇਮਾਰੀ ਕਿਸ ਸੰਬੰਧ ਵਿਚ ਹੈ।
