ਫੈਕਟ ਸਮਾਚਾਰ ਸੇਵਾ
ਅਪ੍ਰੈਲ 13
ਸਾਡੇ ਸਾਰਿਆਂ ਲਈ ਆਪਣੀ ਰਸੋਈ ਵਿੱਚ ਐਲੂਮੀਨੀਅਮ ਫੁਆਇਲ ਦੀ ਵਰਤੋਂ ਨਾ ਕਰਨਾ ਬਹੁਤ ਮੁਸ਼ਕਲ ਹੈ। ਭਾਵੇਂ ਤੁਸੀਂ ਬਚੇ ਹੋਏ ਖਾਣੇ ਨੂੰ ਲਪੇਟ ਰਹੇ ਹੋ, ਬੇਕਿੰਗ ਕਰ ਰਹੇ ਹੋ, ਗਰਿੱਲ ਕਰ ਰਹੇ ਹੋ ਜਾਂ ਆਪਣੇ ਓਵਨ ਨੂੰ ਸਾਫ਼ ਰੱਖ ਰਹੇ ਹੋ, ਇਹ ਇੱਕ ਬਹੁਤ ਹੀ ਆਸਾਨ ਚੀਜ਼ ਹੈ। ਪਰ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਇਸਦੀ ਗਲਤ ਵਰਤੋਂ ਉਨ੍ਹਾਂ ਦੇ ਭੋਜਨ ਅਤੇ ਇੱਥੋਂ ਤੱਕ ਕਿ ਤੁਹਾਡੀ ਸਿਹਤ ਨੂੰ ਵੀ ਪ੍ਰਭਾਵਿਤ ਕਰ ਸਕਦੀ ਹੈ।
ਇਹ ਸੱਚ ਹੈ ਕਿ ਐਲੂਮੀਨੀਅਮ ਫੁਆਇਲ ਖਾਣਾ ਪਕਾਉਣ ਅਤੇ ਸਟੋਰੇਜ ਲਈ ਬਹੁਤ ਵਧੀਆ ਹੈ, ਪਰ ਫਿਰ ਵੀ ਕੁਝ ਸਧਾਰਨ ਗੱਲਾਂ ਹਨ ਜੋ ਤੁਹਾਨੂੰ ਯਾਦ ਰੱਖਣੀਆਂ ਚਾਹੀਦੀਆਂ ਹਨ। ਉਦਾਹਰਣ ਵਜੋਂ ਤੇਜ਼ਾਬੀ ਪਕਵਾਨਾਂ ਨੂੰ ਸਿੱਧੇ ਫੁਆਇਲ ਵਿੱਚ ਨਾ ਲਪੇਟੋ ਅਤੇ ਭੋਜਨ ਨੂੰ ਬਹੁਤ ਦੇਰ ਤੱਕ ਇਸ ਵਿੱਚ ਨਾ ਰੱਖੋ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਐਲੂਮੀਨੀਅਮ ਫੋਇਲ ਦੀ ਵਰਤੋਂ ਕਰਦੇ ਸਮੇਂ ਤੁਹਾਨੂੰ ਕਿਹੜੀਆਂ ਗੱਲਾਂ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ :
ਗਰਿੱਲ ਕਰਨ ਲਈ ਐਲੂਮੀਨੀਅਮ ਫੁਆਇਲ ਦੀ ਕਰੋ ਵਰਤੋਂ
ਜੇਕਰ ਤੁਸੀਂ ਗਰਿੱਲ ਕਰ ਰਹੇ ਹੋ ਤਾਂ ਉਸ ਸਮੇਂ ਦੌਰਾਨ ਐਲੂਮੀਨੀਅਮ ਫੋਇਲ ਦੀ ਵਰਤੋਂ ਕਰਨਾ ਕਾਫ਼ੀ ਚੰਗਾ ਮੰਨਿਆ ਜਾਂਦਾ ਹੈ। ਕਬਾਬ ਜਾਂ ਸਬਜ਼ੀਆਂ ਨੂੰ ਗਰਿੱਲ ਕਰਦੇ ਸਮੇਂ ਉਹਨਾਂ ਨੂੰ ਐਲੂਮੀਨੀਅਮ ਫੁਆਇਲ ਵਿੱਚ ਲਪੇਟਣ ਨਾਲ ਉਹਨਾਂ ਨੂੰ ਬਰਾਬਰ ਪਕਾਉਣ ਵਿੱਚ ਮਦਦ ਮਿਲਦੀ ਹੈ। ਇਸ ਤੋਂ ਇਲਾਵਾ ਇਹ ਛੋਟੇ ਟੁਕੜਿਆਂ ਨੂੰ ਗਰਿੱਲ ਵਿੱਚ ਡਿੱਗਣ ਤੋਂ ਰੋਕਦਾ ਹੈ।
ਐਲੂਮੀਨੀਅਮ ਫੁਆਇਲ ਨਾਲ ਬਣਾਓ ਕੁਕਿੰਗ ਪਾਊਚ
ਐਲੂਮੀਨੀਅਮ ਫੁਆਇਲ ਦੀ ਮਦਦ ਨਾਲ ਖਾਣਾ ਪਕਾਉਣ ਵਾਲੇ ਪਾਊਚ ਵੀ ਬਣਾਏ ਜਾ ਸਕਦੇ ਹਨ। ਤੁਸੀਂ ਸਬਜ਼ੀਆਂ ਮਸਾਲਿਆਂ ਅਤੇ ਚਿਕਨ ਜਾਂ ਮੱਛੀ ਲਈ ਐਲੂਮੀਨੀਅਮ ਫੁਆਇਲ ਪੈਕੇਟ ਬਣਾ ਸਕਦੇ ਹੋ। ਇਹ ਪਾਊਚ ਖਾਣਾ ਪਕਾਉਂਦੇ ਸਮੇਂ ਨਮੀ ਅਤੇ ਸੁਆਦ ਨੂੰ ਬਰਕਰਾਰ ਰੱਖਦੇ ਹਨ।
ਤੇਜ਼ਾਬੀ ਭੋਜਨਾਂ ਨੂੰ ਸਿੱਧਾ ਨਾ ਲਪੇਟੋ
ਟਮਾਟਰ, ਸਿਰਕੇ-ਅਧਾਰਤ ਪਕਵਾਨ, ਖੱਟੇ ਫਲ ਅਤੇ ਅਚਾਰ ਵਰਗੀਆਂ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਨੂੰ ਸਿੱਧੇ ਐਲੂਮੀਨੀਅਮ ਫੁਆਇਲ ਵਿੱਚ ਨਹੀਂ ਲਪੇਟਣਾ ਚਾਹੀਦਾ। ਇਹ ਖਾਣ-ਪੀਣ ਦੀਆਂ ਚੀਜ਼ਾਂ ਐਲੂਮੀਨੀਅਮ ਫੁਆਇਲ ਨਾਲ ਰੀਐਕਟ ਕਰਦੀਆਂ ਹਨ, ਜਿਸ ਨਾਲ ਲੀਚਿੰਗ ਹੁੰਦੀ ਹੈ। ਇਸਦਾ ਮਤਲਬ ਹੈ ਕਿ ਥੋੜ੍ਹੀ ਮਾਤਰਾ ਵਿੱਚ ਐਲੂਮੀਨੀਅਮ ਤੁਹਾਡੇ ਭੋਜਨ ਵਿੱਚ ਲੀਕ ਹੋ ਸਕਦਾ ਹੈ। ਇਸ ਪੱਖੋਂ ਇਸਨੂੰ ਸਿਹਤ ਲਈ ਬਿਲਕੁਲ ਵੀ ਚੰਗਾ ਨਹੀਂ ਮੰਨਿਆ ਜਾਂਦਾ।
