ਫੈਕਟ ਸਮਾਚਾਰ ਸੇਵਾ
ਤਿਰੂਵਨੰਤਪੁਰਮ , ਸਤੰਬਰ 27
ਕੇਰਲ ਦੇ ਤ੍ਰਿਸ਼ੂਰ ਜ਼ਿਲੇ ‘ਚ ਕੁਥੀਰਨ ਨੈਸ਼ਨਲ ਹਾਈਵੇਅ ਦੇ ਕੋਲ ਇੱਕ ਫ਼ਿਲਮੀ ਘਟਨਾ ਵਾਪਰੀ। ਇੱਥੇ ਕੁਝ ਲੋਕਾਂ ਨੇ ਪਹਿਲਾਂ ਇੱਕ ਵਪਾਰੀ ਦਾ ਪਿੱਛਾ ਕੀਤਾ। ਬਾਅਦ ਵਿਚ ਮੌਕਾ ਦੇਖ ਕੇ ਉਨ੍ਹਾਂ ਨੇ ਉਸ ਦੀ ਕਾਰ ਅੱਗੇ ਰੋਕ ਕੇ ਉਸ ਨੂੰ ਅਤੇ ਉਸ ਦੇ ਦੋਸਤ ਨੂੰ ਅਗਵਾ ਕਰ ਲਿਆ। ਇੰਨਾ ਹੀ ਨਹੀਂ ਇਨ੍ਹਾਂ ਲੁਟੇਰਿਆਂ ਨੇ ਢਾਈ ਕਿੱਲੋ ਸੋਨਾ ਵੀ ਖੋਹ ਲਿਆ। ਦਿਨ-ਦਿਹਾੜੇ ਲੁੱਟ-ਖੋਹ ਦੀ ਵਾਰਦਾਤ ਦਾ ਇੱਕ ਡੈਸ਼ਕੈਮ ਵੀਡੀਓ ਵਾਇਰਲ ਹੋਇਆ ਹੈ। ਇਸ ਨਾਲ ਇਲਾਕੇ ਵਿੱਚ ਸਨਸਨੀ ਫੈਲ ਗਈ ਹੈ।
ਜਾਣਕਾਰੀ ਅਨੁਸਾਰ ਬੁੱਧਵਾਰ ਸਵੇਰੇ ਇੱਕ ਜਿਊਲਰੀ ਕਾਰੋਬਾਰੀ ਆਪਣੇ ਦੋਸਤ ਨਾਲ ਢਾਈ ਕਿੱਲੋ ਸੋਨੇ ਦੇ ਗਹਿਣੇ ਲੈ ਕੇ ਇੱਕ ਕਾਰ ਵਿੱਚ ਕੋਇੰਬਟੂਰ ਵੱਲ ਰਵਾਨਾ ਹੋਇਆ ਸੀ। ਫਿਰ ਲੁਟੇਰਿਆਂ ਦੇ ਇੱਕ ਗਰੋਹ ਨੇ ਉਨ੍ਹਾਂ ਦਾ ਪਿੱਛਾ ਕੀਤਾ। 12 ਲੋਕਾਂ ਦੇ ਗਰੋਹ ਨੇ ਕਾਰ ਦੇ ਅੱਗੇ ਰੁਕ ਕੇ 2 ਲੋਕਾਂ ਨੂੰ 2.5 ਕਿਲੋ ਸੋਨੇ ਦੇ ਗਹਿਣਿਆਂ ਸਮੇਤ ਅਗਵਾ ਕਰਕੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ।
ਪੁਲਿਸ ਮੁਤਾਬਕ ਇਹ ਘਟਨਾ 22 ਸਤੰਬਰ ਨੂੰ ਤੜਕੇ ਕਰੀਬ 2.30 ਵਜੇ ਵਾਪਰੀ, ਜਦੋਂ ਗਹਿਣਾ ਵਿਕਰੇਤਾ ਅਰੁਣ ਸੰਨੀ ਆਪਣੀ ਦੋਸਤ ਰੋਜ਼ੀ ਥਾਮਸ ਨਾਲ ਕਾਰ ‘ਚ ਕੋਇੰਬਟੂਰ ਤੋਂ ਤ੍ਰਿਸ਼ੂਰ ਲਈ ਤਿਆਰ ਗਹਿਣੇ ਲੈ ਕੇ ਜਾ ਰਹੇ ਸਨ। ਜਦੋਂ ਉਹ ਕਲੀਦੁੱਕੂ ਪਹੁੰਚੇ, ਜਿੱਥੇ ਮੈਟਰੋ ਦਾ ਨਿਰਮਾਣ ਚੱਲ ਰਿਹਾ ਸੀ, ਤਿੰਨ ਐਸਯੂਵੀ ਨੇ ਅਰੁਣ ਦੀ ਕਾਰ ਨੂੰ ਰੋਕਿਆ। ਇਸ ਤੋਂ ਬਾਅਦ ਕਈ ਲੋਕ ਕਾਰ ‘ਚੋਂ ਬਾਹਰ ਆ ਗਏ ਅਤੇ ਉਨ੍ਹਾਂ ਨੂੰ ਧਮਕੀਆਂ ਦਿੰਦੇ ਹੋਏ ਸੋਨਾ ਸੌਂਪਣ ਦੀ ਮੰਗ ਕੀਤੀ। ਜਦੋਂ ਅਰੁਣ ਨੇ ਹਿਚਕਚਾਹਟ ਦਿਖਾਈ ਤਾਂ ਬਦਮਾਸ਼ਾਂ ਨੇ ਉਸ ਨੂੰ ਕਾਰ ਵਿੱਚੋਂ ਬਾਹਰ ਕੱਢ ਲਿਆ ਅਤੇ ਜ਼ਬਰਦਸਤੀ ਆਪਣੀ ਇੱਕ ਗੱਡੀ ਵਿੱਚ ਬਿਠਾ ਲਿਆ। ਇਸ ਦੌਰਾਨ ਅਰੁਣ ਦੇ ਦੋਸਤ ਨੂੰ ਦੂਜੀ ਕਾਰ ਵਿੱਚ ਬਿਠਾ ਲਿਆ ਗਿਆ।
ਐਫਆਈਆਰ ਦੇ ਅਨੁਸਾਰ ਪੀੜਤ ਕਾਰੋਬਾਰੀ ਅਰੁਣ ਸੰਨੀ, ਜੋ ਤ੍ਰਿਸ਼ੂਰ ਦਾ ਰਹਿਣ ਵਾਲਾ ਹੈ ਅਤੇ ਉਸਦਾ ਦੋਸਤ ਰੋਜ਼ੀ ਥਾਮਸ ਪੋਟਾ ਦਾ ਰਹਿਣ ਵਾਲਾ ਹੈ।
ਲੁਟੇਰਿਆਂ ਨੇ ਸੋਨੇ ਦੀ ਗੱਲ ਜਾਣਨ ਲਈ ਵੀ ਅਰੁਣ ਦੀ ਕੁੱਟਮਾਰ ਕੀਤੀ। ਉਨ੍ਹਾਂ ਨੇ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਵੀ ਦਿੱਤੀਆਂ, ਜਿਸ ‘ਤੇ ਉਹ ਡਰ ਗਿਆ ਅਤੇ ਦੱਸਿਆ ਕਿ ਸੋਨਾ ਕਿੱਥੇ ਰੱਖਿਆ ਹੈ। 1.84 ਕਰੋੜ ਰੁਪਏ ਦਾ ਸੋਨਾ ਲੁੱਟਣ ਤੋਂ ਬਾਅਦ ਲੁਟੇਰਿਆਂ ਨੇ ਅਰੁਣ ਨੂੰ ਪੁਥੁਰ ‘ਚ ਅਤੇ ਉਸ ਦੇ ਦੋਸਤ ਨੂੰ ਮਰਾਠਕਾਰਾ ‘ਚ ਸੜਕ ਕਿਨਾਰੇ ਛੱਡ ਦਿੱਤਾ। ਤਲਾਸ਼ੀ ਲੈਣ ਤੋਂ ਬਾਅਦ ਪੁਲਿਸ ਨੂੰ ਅਰੁਣ ਦੀ ਕਾਰ ਵਾਨਿਯਾਮਪਾਰਾ ਵਿੱਚ ਪਈ ਮਿਲੀ, ਪਰ ਸੋਨਾ ਗਾਇਬ ਸੀ।