ਸਮਾਰਟਫ਼ੋਨ ਦੀ ਵਰਤੋਂ ‘ਤੇ ਪਾਬੰਦੀ , ਡਰੈੱਸ ਕੋਡ ਵੀ ਕੀਤਾ ਜਾਵੇਗਾ ਲਾਗੂ
ਫੈਕਟ ਸਮਾਚਾਰ ਸੇਵਾ
ਅਯੁੱਧਿਆ , ਦਸੰਬਰ 20
ਰਾਮ ਮੰਦਰ ਵਿੱਚ ਨਵੇਂ ਪੁਜਾਰੀਆਂ ਦੀ ਡਿਊਟੀ ਲਗਾਈ ਗਈ ਹੈ। ਪੁਜਾਰੀਆਂ ਲਈ ਕਈ ਔਖੇ ਨਿਯਮ ਵੀ ਬਣਾਏ ਗਏ ਹਨ। ਇਸ ਸਿਲਸਿਲੇ ‘ਚ ਰਾਮ ਮੰਦਰ ‘ਚ ਪੁਜਾਰੀਆਂ ‘ਤੇ ਸਮਾਰਟਫੋਨ ਦੀ ਵਰਤੋਂ ‘ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਜਲਦ ਹੀ ਪੁਜਾਰੀਆਂ ਲਈ ਡਰੈੱਸ ਕੋਡ ਲਾਗੂ ਕਰਨ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਫਿਲਹਾਲ ਰਾਮ ਮੰਦਰ ‘ਚ 14 ਪੁਜਾਰੀ ਡਿਊਟੀ ‘ਤੇ ਹਨ।
ਰਾਮ ਮੰਦਰ ਸਮੇਤ ਕੁਬੇਰ ਟਿੱਲਾ ਅਤੇ ਹਨੂੰਮਾਨ ਮੰਦਰ ਵਿੱਚ ਪੂਜਾ ਲਈ ਪੁਜਾਰੀਆਂ ਨੂੰ ਸੱਤ-ਸੱਤ ਦੇ ਦੋ ਗਰੁੱਪਾਂ ਵਿੱਚ ਵੰਡਿਆ ਗਿਆ ਹੈ। ਉਨ੍ਹਾਂ ਦੀ ਡਿਊਟੀ ਵੀ ਦੋ ਵੱਖ-ਵੱਖ ਸ਼ਿਫਟਾਂ ਵਿੱਚ ਲਗਾਈ ਜਾ ਰਹੀ ਹੈ। ਚਾਰ ਪੁਜਾਰੀਆਂ ਨੂੰ ਪਾਵਨ ਅਸਥਾਨ ਵਿੱਚ ਡਿਊਟੀ ਸੌਂਪੀ ਗਈ ਹੈ ਅਤੇ ਤਿੰਨ ਪੁਜਾਰੀਆਂ ਨੂੰ ਪਵਿੱਤਰ ਅਸਥਾਨ ਦੇ ਬਾਹਰ ਨਿਯੁਕਤ ਕੀਤਾ ਗਿਆ ਹੈ। ਹੁਣ ਮੰਦਰ ‘ਚ ਪੁਜਾਰੀ ਫੋਨ ਦੀ ਵਰਤੋਂ ਨਹੀਂ ਕਰ ਸਕਣਗੇ। ਇਸ ਵਿੱਚ ਪੀਲੀ ਚੌਂਕੀ, ਧੋਤੀ, ਕੁੜਤਾ ਅਤੇ ਸਿਰ ’ਤੇ ਪੀਲੀ ਪੱਗ ਸ਼ਾਮਲ ਹੋਵੇਗੀ। ਭਗਵੇਂ ਰੰਗ ਦਾ ਪਹਿਰਾਵਾ ਵੀ ਸ਼ਾਮਲ ਹੋਵੇਗਾ। ਜਲਦ ਹੀ ਪੁਜਾਰੀਆਂ ਦੇ ਦੂਜੇ ਬੈਚ ਦੀ ਟ੍ਰੇਨਿੰਗ ਸ਼ੁਰੂ ਕਰਨ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਰਾਮ ਜਨਮ ਭੂਮੀ ਕੰਪਲੈਕਸ ਵਿੱਚ ਕੁੱਲ 19 ਮੰਦਰ ਬਣਾਏ ਜਾ ਰਹੇ ਹਨ, ਇਸ ਲਈ ਪੁਜਾਰੀਆਂ ਦੀ ਗਿਣਤੀ ਵਧਾਈ ਜਾਵੇਗੀ।
