ਫੈਕਟ ਸਮਾਚਾਰ ਸੇਵਾ
ਰਾਜਾਸਾਂਸੀ, ਨਵੰਬਰ 13
ਅੰਮਿ੍ਤਸਰ ਵਿਚ ਲਗਾਤਾਰ ਸੰਘਣੀ ਧੁੰਦ ਤੇ ਜ਼ਹਿਰੀਲੀ ਹਵਾ ਨਾਲ ਮੌਸਮ ਖਰਾਬ ਹੋਣ ਕਾਰਣ ਅੰਮਿ੍ਤਸਰ ਦੇ ਸੀ੍ ਗੁਰੂ ਰਾਮਦਾਸ ਜੀ ਕੌਮਾਂਤਰੀ ਹਵਾਈ ਅੱਡਾ ਰਾਜਾਸਾਂਸੀ ਵਿਖੇ ਪੁੱਜਣ ਤੇ ਰਵਾਨਾ ਹੋਣ ਵਾਲੀਆਂ ਇੰਟਰਨੈਸ਼ਨਲ ਤੇ ਘਰੇਲੂ ਉਡਾਣਾ ਪ੍ਭਾਵਿਤ ਹੋਈਆਂ ਹਨ, ਜਦੋਂ ਕਿ ਸਵੇਰੇ 7 ਵਜੇ ਦਿੱਲੀ ਤੋਂ ਇਥੇ ਪੁੱਜਣ ਵਾਲੀ ਇੰਡੀਗੋ ਏਅਰਲਾਈਨ ਦੀ ਘਰੇਲੂ ਉਡਾਣ ਰੱਦ ਹੋ ਗਈ ਹੈ। ਦੋਹਾ ਤੋਂ ਇਥੇ ਤੜਕੇ 2.40 ਵਜੇ ਪੁੱਜਣ ਵਾਲੀ ਦੋਹਾ ਕਤਰ ਦੀ ਉਡਾਣ ਕਰੀਬ ਸਾਢੇ 6 ਘੰਟੇ ਦੇਰੀ ਨਾਲ ਚੱਲ ਰਹੀ ਹੈ, ਜਿਸ ਬਾਰੇ ਕਰੀਬ ਸਵਾ 9 ਵਜੇ ਪਹੁੰਚਣ ਬਾਰੇ ਦੱਸਿਆ ਜਾ ਰਿਹਾ ਹੈ। ਦੁਬਈ ਤੋਂ ਇਥੇ ਸਵੇਰੇ, 7.40 ਵਜੇ ਪਹੁੰਚਣ ਵਾਲੀ ਕੋਰੈਂਡਨ ਏਅਰ ਲਾਇਨ ਦੀ ਉਡਾਣ ਕਰੀਬ 3 ਘੰਟੇ ਦੇਰੀ ਨਾਲ ਚੱਲ ਰਹੀ ਹੈ ਤੇ ਕਰੀਬ 10.45 ਵਜੇ ਪਹੁੰਚ ਰਹੀ ਹੈ। ਲੰਡਨ ਤੋਂ ਇਥੇ ਪੁੱਜਣ ਵਾਲੀ ਉਡਾਣ ਵੀ ਦੇਰੀ ਨਾਲ ਚੱਲ ਰਹੀ ਹੈ।
