ਫੈਕਟ ਸਮਾਚਾਰ ਸੇਵਾ
ਮੁੰਬਈ, ਫਰਵਰੀ 3
ਦੱਖਣੀ ਫਿਲਮ ਨਿਰਮਾਤਾ ਕੇਪੀ ਚੌਧਰੀ ਉਰਫ ਸੁੰਕਾਂਰਾ ਕ੍ਰਿਸ਼ਨਾ ਪ੍ਰਸਾਦ ਚੌਧਰੀ ਗੋਆ ਵਿੱਚ ਮ੍ਰਿਤਕ ਪਾਏ ਗਏ। ਜਾਂਚ ਵਿਚ ਉਨ੍ਹਾਂ ਦੇ ਖੁਦਕੁਸ਼ੀ ਕਰਨ ਦੀ ਪੁਸ਼ਟੀ ਹੋਈ ਹੈ। ਉਹ ਖੰਮਮ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਫਿਲਮ ਇੰਡਸਟਰੀ ਨਾਲ ਜੁੜੇ ਉਨ੍ਹਾਂ ਦੇ ਦੋਸਤਾਂ ਨੇ ਦੱਸਿਆ ਕਿ ਚੌਧਰੀ ਨਸ਼ੇ ਦੇ ਇਕ ਮਾਮਲੇ ‘ਚ ਗ੍ਰਿਫਤਾਰੀ ਤੋਂ ਬਾਅਦ ਪਰੇਸ਼ਾਨ ਸੀ ਅਤੇ ਆਰਥਿਕ ਪਰੇਸ਼ਾਨੀ ਦਾ ਵੀ ਸਾਹਮਣਾ ਕਰ ਰਿਹਾ ਸੀ।
ਫਿਲਮ ਨਿਰਮਾਤਾ ਕੇਪੀ ਚੌਧਰੀ 2016 ਵਿੱਚ ਫਿਲਮ ਇੰਡਸਟਰੀ ਵਿੱਚ ਆਏ ਸਨ। ਉਹ ਤੇਲਗੂ ਫਿਲਮ ਕਬਾਲੀ ਦਾ ਨਿਰਮਾਤਾ ਸੀ। 2023 ਵਿੱਚ ਉਸਨੂੰ ਸਾਈਬਰਾਬਾਦ ਪੁਲਿਸ ਨੇ 93 ਗ੍ਰਾਮ ਕੋਕੀਨ ਨਾਲ ਗ੍ਰਿਫਤਾਰ ਕੀਤਾ ਸੀ। ਪੁਲਿਸ ਨੂੰ ਪਤਾ ਲੱਗਾ ਹੈ ਕਿ ਚੌਧਰੀ ਦੇ ਗਾਹਕ ਕਥਿਤ ਤੌਰ ‘ਤੇ ਫਿਲਮ ਉਦਯੋਗ ਨਾਲ ਜੁੜੇ ਹੋਏ ਸਨ, ਜਿਨ੍ਹਾਂ ਵਿਚ ਤੇਲਗੂ ਅਤੇ ਤਾਮਿਲ ਫਿਲਮ ਉਦਯੋਗ ਦੇ ਅਭਿਨੇਤਾ ਅਤੇ ਅਭਿਨੇਤਰੀਆਂ ਅਤੇ ਕਾਰੋਬਾਰੀ ਲੋਕ ਸ਼ਾਮਲ ਸਨ।
