ਫੈਕਟ ਸਮਾਚਾਰ ਸੇਵਾ
ਕਾਨਪੁਰ , ਅਕਤੂਬਰ 14
ਯੂਪੀ ਦੇ ਕਾਨਪੁਰ ਵਿੱਚ ਅੱਜ ਸਵੇਰੇ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਪੱਨਕੀ ਭੋਤੀ ਵਿੱਚ ਓਵਰ ਬ੍ਰਿਜ ਕੱਟ ਨੇੜੇ ਹੋਏ ਹਾਦਸੇ ਵਿੱਚ ਪੰਜ ਲੋਕਾਂ ਦੀ ਜਾਨ ਚਲੀ ਗਈ। ਰਾਮਾਦੇਵੀ ਤੋਂ ਪੱਨਕੀ ਭੋਤੀ ਨੂੰ ਜਾਣ ਵਾਲੇ ਹਾਈਵੇ ‘ਤੇ ਇਕ ਤੇਜ਼ ਰਫਤਾਰ ਡੰਪਰ ਨੇ ਅਚਾਨਕ ਬ੍ਰੇਕ ਲਗਾ ਦਿੱਤੀ। ਜਿਸ ਕਾਰਨ ਡੰਪਰ ਦੇ ਪਿੱਛੇ ਚੱਲ ਰਹੀ ਕਾਰ ਨੂੰ ਵੀ ਬ੍ਰੇਕਾਂ ਲਾਉਣੀਆਂ ਪਈਆਂ। ਦੋਵਾਂ ਵਾਹਨਾਂ ਦੇ ਪਿੱਛੇ ਆ ਰਹੇ ਸਰੀਏ ਨਾਲ ਭਰੇ ਟਰਾਲੀ ਨੇ ਕਾਰ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ।
ਜਿਸ ਕਾਰਨ ਕਾਰ ਡੰਪਰ ਅਤੇ ਟਰਾਲੀ ਵਿਚਕਾਰ ਆ ਗਈ ਅਤੇ ਬੁਰੀ ਤਰ੍ਹਾਂ ਨੁਕਸਾਨੀ ਗਈ। ਹਾਦਸੇ ‘ਚ ਕਾਰ ‘ਚ ਸਵਾਰ ਚਾਰ ਬੱਚਿਆਂ ਅਤੇ ਡਰਾਈਵਰ ਦੀ ਮੌਕੇ ‘ਤੇ ਹੀ ਦਰਦਨਾਕ ਮੌਤ ਹੋ ਗਈ। ਚਾਰੋਂ ਬੱਚੇ ਪੀ.ਐਸ.ਆਈ.ਟੀ. ਦੇ ਦੱਸੇ ਜਾ ਰਹੇ ਹਨ।