ਦੇਸ਼-ਦੁਨੀਆ

ਫ਼ੌਜ ਨੇ ਬਰਫ਼ਬਾਰੀ ’ਚ ਫਸੇ 205 ਲੋਕਾਂ ਨੂੰ ਬਚਾਇਆ

ਫੈਕਟ ਸਮਾਚਾਰ ਸੇਵਾ ਸ਼ਿਮਲਾ , ਅਕਤੂਬਰ 20

ਹਿਮਾਚਲ ਪ੍ਰਦੇਸ਼ ’ਚ ਜਨਜਾਤੀ ਲਾਹੌਲ ਸਪੀਤੀ ਜ਼ਿਲ੍ਹੇ ਦੇ ਸੁਮਦੋ ’ਚ ਤਾਇਨਾਤ ਫ਼ੌਜ ਨੇ ਬਰਫ਼ਬਾਰੀ ਅਤੇ ਮੀਂਹ ਕਾਰਨ ਫਸੇ 205 ਲੋਕਾਂ ਨੂੰ ਬਚਾਇਆ। ਇਹ ਸਾਰੇ ਲੋਕ ਪੂਹ ਤੋਂ ਕਾਜਾ ਮਾਰਗ ’ਤੇ ਦੇਰ ਸ਼ਾਮ ਨੂੰ ਫਸੇ ਹੋਏ ਸਨ। ਫ਼ੌਜ ਦੇ ਜਵਾਨਾਂ ਨੇ ਫਸੇ ਹੋਏ ਲੋਕਾਂ ਨੂੰ ਆਪਣੇ ਕੈਂਪ ’ਚ ਰੁਕਵਾਇਆ। ਇੱਥੇ ’ਤੇ ਵੱਖ-ਵੱਖ ਕੈਂਪ ’ਚ ਲੋਕਾਂ ਨੂੰ ਠਹਿਰਾਇਆ ਗਿਆ। ਲੋਕਾਂ ਨੂੰ ਫ਼ੌਜ ਨੇ ਖਾਣੇ ਅਤੇ ਮੈਡੀਕਲ ਕੈਂਪ ਦੀ ਸਹੂਲਤ ਦਿੱਤੀ ਗਈ।

ਕਰਨਾਲ ਨਿਤਿਨ ਮਿੱਤਲ ਡੋਗਰਾ ਸਕਾਊਟ ਨੇ ਦੱਸਿਆ ਕਿ ਸਾਡੇ ਕੋਲ ਕੁੱਲ 205 ਲੋਕ ਸਨ, ਜਿਨ੍ਹਾਂ ਨੂੰ ਰਾਤ ਭਰ ਠਹਿਰਾਇਆ ਗਿਆ ਸੀ। ਇਨ੍ਹਾਂ ਦੇ ਖਾਣ-ਪੀਣ ਅਤੇ ਰਹਿਣ ਦੀ ਪੂਰੀ ਵਿਵਸਥਾ ਹੋ ਗਈ ਸੀ। ਉਨ੍ਹਾਂ ਲੋਕਾਂ ਨੂੰ ਅੱਗੇ ਜਾਣ ਤੋਂ ਮਨ੍ਹਾ ਕੀਤਾ ਸੀ ਕਿ ਜਦੋਂ ਤੱਕ ਰਸਤਾ ਨਹੀਂ ਖੁੱਲ੍ਹਦਾ, ਉਦੋਂ ਤੱਕ ਅੱਗੇ ਨਾ ਜਾਣ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਲੋਕਾਂ ਨੇ ਸਾਡੇ ਨਿਰਦੇਸ਼ਾਂ ਦਾ ਪਾਲਣ ਕੀਤਾ। ਜੋ ਲੋਕ ਸਾਡੇ ਕੋਲ ਰੁਕੇ ਸਨ, ਉਨ੍ਹਾਂ ’ਚੋਂ ਕਈ ਲੋਕਾਂ ਨੇ ਆਪਣੇ-ਆਪਣੇ ਪਰਿਵਾਰ ਵਾਲਿਆਂ ਤੋਂ ਵਾਇਰਲੈੱਸ ਦੇ ਮਾਧਿਅਮ ਨਾਲ ਗੱਲਬਾਤ ਵੀ ਕਰਵਾਈ।