ਫ਼ਿਲਮੀ ਗੱਲਬਾਤ

ਆਰੀਅਨ ਖ਼ਾਨ ਨੂੰ ਅੱਜ ਵੀ ਨਹੀ ਮਿਲੀ ਜ਼ਮਾਨਤ

ਫੈਕਟ ਸਮਾਚਾਰ ਸੇਵਾ ਮੁੰਬਈ , ਅਕਤੂਬਰ 27

ਡਰੱਗ ਮਾਮਲੇ ‘ਚ ਲਗਾਤਾਰ 18 ਦਿਨਾਂ ਤੋਂ ਜੇਲ੍ਹ ਕੱਟ ਰਹੇ ਸ਼ਾਹਰੁਖ ਖ਼ਾਨ ਦੇ ਪੁੱਤਰ ਆਰੀਅਨ ਖ਼ਾਨ ਨੂੰ ਅੱਜ ਵੀ ਜ਼ਮਾਨਤ ਨਹੀਂ ਮਿਲੀ ਹੈ। ਕੋਰਟ ਨੇ ਭਲਕੇ ਤੱਕ ਲਈ ਆਰੀਅਨ ਖ਼ਾਨ ਦੇ ਕੇਸ ਦੀ ਸੁਣਵਾਈ ਟਾਲ ਦਿੱਤੀ ਹੈ। ਇਸ ਦੇ ਨਾਲ ਹੀ ਸ਼ਾਹਰੁਖ ਖ਼ਾਨ ਅਤੇ ਗੌਰੀ ਖ਼ਾਨ ਦਾ ਦਿਲ ਫਿਰ ਤੋਂ ਟੁੱਟ ਗਿਆ ਹੈ।

ਅੱਜ ਦੁਪਹਿਰ ਢਾਈ ਵਜੇ ਤੋਂ ਚੱਲ ਰਹੀ ਸੁਣਵਾਈ ‘ਚ ਆਰੀਅਨ ਖ਼ਾਨ ਨੂੰ ਕਿਸੇ ਵੀ ਵਲੋਂ ਰਾਹਤ ਨਹੀਂ ਮਿਲੀ ਹੈ। ਇਸ ਤੋਂ ਪਹਿਲਾਂ ਸੈਸ਼ਨ ਕੋਰਟ ਲਗਭਗ 4 ਵਾਰ ਆਰੀਅਨ ਦੀ ਜ਼ਮਾਨਤ ਪਟੀਸ਼ਨ ਰੱਦ ਕਰ ਚੁੱਕਾ ਹੈ। ਐੱਨ.ਡੀ.ਪੀ.ਐੱਸ. ਕੋਰਟ ਨੇ 20 ਅਕਤੂਬਰ ਨੂੰ ਉਸ ਦੀ ਜ਼ਮਾਨਤ ਪਟੀਸ਼ਨ ਰੱਦ ਕਰ ਦਿੱਤੀ ਸੀ ਜਿਸ ਤੋਂ ਬਾਅਦ ਆਰੀਅਨ ਖ਼ਾਨ ਦੇ ਵਕੀਲ ਸਤੀਸ਼ ਮਾਨਸ਼ਿੰਦੇ ਦੀ ਅਗਵਾਈ ‘ਚ ਉਨ੍ਹਾਂ ਦੀ ਟੀਮ ਹਾਈਕੋਰਟ ਪਹੁੰਚੀ ਸੀ। ਬੀਤੇ ਦਿਨ 26 ਅਕਤੂਬਰ ਨੂੰ ਵੀ ਆਰੀਅਨ ਦੀ ਜ਼ਮਾਨਤ ‘ਤੇ ਸੁਣਵਾਈ ਅੱਜ ਦੇ ਲਈ ਟਾਲ ਦਿੱਤੀ ਗਈ ਸੀ ਪਰ ਅੱਜ ਵੀ ਫ਼ੈਸਲਾ ਕੱਲ ਭਾਵ ਵੀਰਵਾਰ ‘ਤੇ ਛੱਡ ਦਿੱਤਾ ਗਿਆ ਹੈ।