ਫੈਕਟ ਸਮਾਚਾਰ ਸੇਵਾ
ਯਮੁਨਾਨਗਰ , ਮਈ 22
ਯਮੁਨਾਨਗਰ ਦੇ ਚੋਪੜਾ ਗਾਰਡਨ ਦੇ ਮੋੜ ‘ਤੇ ਵੱਡਾ ਹਾਦਸਾ ਟਲ ਗਿਆ। ਇਹ ਘਟਨਾ ਸੰਤ ਨਿਸ਼ਚਲ ਸਿੰਘ ਪਬਲਿਕ ਸਕੂਲ ਨੇੜੇ ਵਾਪਰੀ। ਦਰਅਸਲ ਜਦੋਂ ਵੈਨ ਸਕੂਲ ਤੋਂ ਬੱਚਿਆਂ ਨੂੰ ਲੈਣ ਲਈ ਬਾਹਰ ਨਿਕਲਦੀ ਹੋਈ ਮੋੜ ਮੁੜਨ ਲੱਗੀ ਤਾਂ ਜਗਾਧਰੀ ਤੋਂ ਯਮੁਨਾ ਨਗਰ ਵੱਲ ਆ ਰਹੀ ਫਰਕਪੁਰ ਦੇ ਐੱਸਐੱਚਓ ਦੀ ਗੱਡੀ ਅਚਾਨਕ ਬੇਕਾਬੂ ਹੋ ਕੇ ਡਿਵਾਈਡਰ ‘ਤੇ ਚੜ੍ਹ ਗਈ ਅਤੇ ਸੜਕ ਦੇ ਵਿਚਕਾਰ ਪਲਟ ਗਈ। ਇਸ ਹਾਦਸੇ ਸਮੇਂ ਐਸਐਚਓ ਦੀ ਕਾਰ ਵਿੱਚ ਡਰਾਈਵਰ ਤੋਂ ਇਲਾਵਾ ਹੋਰ ਕੋਈ ਨਹੀਂ ਸੀ।
ਇਸ ਹਾਦਸੇ ਤੋਂ ਬਾਅਦ ਆਸ ਪਾਸ ਤੋਂ ਲੰਘ ਰਹੇ ਲੋਕਾਂ ਨੇ ਪਹੁੰਚ ਕੇ ਡਰਾਈਵਰ ਨੂੰ ਕਿਸੇ ਤਰ੍ਹਾਂ ਬਾਹਰ ਕੱਢਿਆ। ਕਾਰ ਪਲਟਣ ਨਾਲ ਸ਼ੀਸ਼ੇ ਵੀ ਟੁੱਟ ਗਏ। ਦੂਜੇ ਪਾਸੇ ਸੂਚਨਾ ਮਿਲਦੇ ਹੀ ਪੁਲੀਸ ਮੌਕੇ ‘ਤੇ ਪਹੁੰਚ ਗਈ ਅਤੇ ਲੋਕਾਂ ਦੀ ਮਦਦ ਨਾਲ ਐੱਸਐੱਚਓ ਦੀ ਗੱਡੀ ਨੂੰ ਸਿੱਧਾ ਕਰਵਾਇਆ। ਖੁਸ਼ਕਿਸਮਤੀ ਨਾਲ ਜਿਸ ਸਮੇਂ ਐਸ.ਐਚ.ਓ. ਦੀ ਗੱਡੀ ਪਲਟੀ, ਉਸ ਸਮੇਂ ਸਕੂਲ ਵੈਨ ਕਾਫੀ ਦੂਰੀ ‘ਤੇ ਸੀ, ਨਹੀਂ ਤਾਂ ਵੱਡਾ ਹਾਦਸਾ ਵਾਪਰ ਸਕਦਾ ਸੀ।