ਜਸਵਿੰਦਰ ਕੌਰ
ਨਵੰਬਰ 26
ਪਾਸਤਾ ਇੱਕ ਇਟਾਲੀਅਨ ਡਿਸ਼ ਹੈ ਜੋ ਬੱਚਿਆਂ ਤੋਂ ਲੈ ਕੇ ਹਰ ਕਿਸੇ ਨੂੰ ਪਸੰਦ ਹੁੰਦਾ ਹੈ ਅਤੇ ਪਾਸਤਾ ਦਾ ਨਾਮ ਸੁਣਦਿਆਂ ਹੀ ਖਾਸ ਕਰਕੇ ਬੱਚਿਆਂ ਦੇ ਮੂੰਹ ਵਿੱਚ ਪਾਣੀ ਆ ਜਾਂਦਾ ਹੈ। ਅਤੇ ਅਕਸਰ ਉਹ ਇਸ ਡਿਸ਼ ਨੂੰ ਵਾਰ-ਵਾਰ ਖਾਣ ‘ਤੇ ਜ਼ੋਰ ਦਿੰਦੇ ਹਨ, ਇਸ ਲਈ ਹਰ ਵਾਰ ਬਾਹਰੋਂ ਪਾਸਤਾ ਮੰਗਵਾਉਣ ਦੀ ਬਜਾਏ, ਤੁਸੀਂ ਇਸ ਨੂੰ ਬਹੁਤ ਹੀ ਆਸਾਨ ਤਰੀਕਿਆਂ ਨਾਲ ਘਰ ਵਿਚ ਬਣਾ ਸਕਦੇ ਹੋ, ਜੋ ਕਿ ਖਾਣ ਵਿਚ ਸਵਾਦ ਦੇ ਨਾਲ-ਨਾਲ ਸਿਹਤਮੰਦ ਵੀ ਹੋਵੇਗਾ। ਕਈ ਲੋਕਾਂ ਨੂੰ ਇਹ ਸ਼ਿਕਾਇਤ ਕਰਦੇ ਸੁਣਿਆ ਹੋਵੇਗਾ ਕਿ ਉਨ੍ਹਾਂ ਦਾ ਪਾਸਤਾ ਖਾਣੇ ‘ਚ ਕੱਚਾ ਰਹਿ ਜਾਂਦਾ ਹੈ, ਇਸ ਲਈ ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਕਿਹੜੇ ਆਸਾਨ ਤਰੀਕਿਆਂ ਨਾਲ ਤੁਸੀਂ ਪਾਸਤਾ ਨੂੰ ਉਬਾਲ ਸਕਦੇ ਹੋ।
ਛੋਟਾ ਪਾਸਤਾ ਲਓ
ਅਕਸਰ ਤੁਸੀਂ ਦੇਖਿਆ ਹੋਵੇਗਾ ਕਿ ਬਜ਼ਾਰ ‘ਚ ਵੱਡੇ, ਛੋਟੇ, ਲੰਬੇ, ਤਿਕੋਣੇ ਵੱਖ-ਵੱਖ ਆਕਾਰ ਦੇ ਪਾਸਤਾ ਮਿਲਦੇ ਹਨ। ਪਰ ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਇਹ ਆਸਾਨੀ ਨਾਲ ਉਬਲ ਜਾਵੇ ਤਾਂ ਹਮੇਸ਼ਾ ਹਲਕੇ ਅਤੇ ਛੋਟੇ ਪਾਸਤਾ ਦੀ ਵਰਤੋਂ ਕਰੋ।
ਪਾਣੀ ਨੂੰ ਪਹਿਲਾਂ ਤੋਂ ਗਰਮ ਕਰੋ
ਪਾਸਤਾ ਨੂੰ ਉਬਾਲਣ ਤੋਂ ਪਹਿਲਾਂ ਇਹ ਦੇਖ ਲਓ ਕਿ ਪੈਨ ਦਾ ਪਾਣੀ ਪਹਿਲਾਂ ਹੀ ਗਰਮ ਹੈ ਜਾਂ ਨਹੀਂ, ਕਿਉਂਕਿ ਜੇਕਰ ਤੁਸੀਂ ਠੰਡੇ ਪਾਣੀ ਦੀ ਵਰਤੋਂ ਕਰਦੇ ਹੋ, ਤਾਂ ਪਾਸਤਾ ਅੰਦਰੋਂ ਕੱਚਾ ਰਹਿ ਸਕਦਾ ਹੈ ਅਤੇ ਖਾਣੇ ਦਾ ਸਾਰਾ ਸਵਾਦ ਖਰਾਬ ਹੋ ਜਾਵੇਗਾ, ਇਸ ਲਈ ਬਿਹਤਰ ਹੈ ਕਿ ਇਸ ਨੂੰ ਉਬਲਦੇ ਪਾਣੀ ‘ਚ ਪਾਓ।
ਉਬਾਲਣ ਵੇਲੇ ਨਮਕ ਅਤੇ ਘਿਓ ਦੀ ਵਰਤੋਂ ਕਰੋ
ਪਾਸਤਾ ਨੂੰ ਉਬਾਲਦੇ ਸਮੇਂ ਆਪਣੇ ਸਵਾਦ ਅਨੁਸਾਰ ਇਕ ਚਮਚ ਨਮਕ ਅਤੇ ਇਕ ਚਮਚ ਘਿਓ ਪਾਓ। ਜਿਸ ਕਾਰਨ ਪਾਸਤਾ ਬਹੁਤ ਨਰਮ ਹੋਵੇਗਾ ਅਤੇ ਆਸਾਨੀ ਨਾਲ ਉਬਲ ਜਾਵੇਗਾ।
ਪਾਸਤਾ ਨੂੰ ਹਿਲਾਉਂਦੇ ਰਹੋ
ਇੱਕ ਵਾਰ ਜਦੋਂ ਤੁਸੀਂ ਉਪਰੋਕਤ ਸਾਰੇ ਕੰਮਾਂ ਨੂੰ ਪੂਰਾ ਕਰ ਲੈਂਦੇ ਹੋ, ਤਾਂ ਇੱਕ ਗੱਲ ਧਿਆਨ ਵਿੱਚ ਰੱਖੋ ਕਿ ਤੁਹਾਨੂੰ ਕੁਝ ਸਮੇਂ ਤੋਂ ਬਾਅਦ ਚਮਚ ਨਾਲ ਪਾਸਤਾ ਨੂੰ ਹਿਲਾਉਂਦੇ ਰਹਿਣਾ ਪਵੇਗਾ ਤਾਂ ਜੋ ਇਹ ਇਕੱਠੇ ਨਾ ਚਿਪਕ ਜਾਵੇ। ਪਾਸਤਾ ਵਿੱਚੋ ਚਿਪਕਿਆ ਨਾ ਰਹੇ ਅਤੇ ਇਹ ਚੰਗੀ ਤਰ੍ਹਾਂ ਉਬਲ ਜਾਵੇ। ਜੇਕਰ ਤੁਸੀਂ ਅਜਿਹਾ ਨਹੀਂ ਕਰਦੇ, ਤਾਂ ਸਾਰਾ ਪਾਸਤਾ ਕੱਚਾ ਰਹਿ ਜਾਵੇਗਾ। ਇਸ ਲਈ ਪਾਸਤਾ ਨੂੰ ਉਬਾਲਣ ਦਾ ਇਹ ਸਭ ਤੋਂ ਸਹੀ ਅਤੇ ਮਹੱਤਵਪੂਰਨ ਤਰੀਕਾ ਹੈ।
ਚਾਕੂ ਨਾਲ ਪਾਸਤਾ ਦੀ ਜਾਂਚ ਕਰਦੇ ਰਹੋ
ਪਾਸਤਾ ਨੂੰ ਹਿਲਾਉਣ ਤੋਂ ਬਾਅਦ ਇਹ ਯਕੀਨੀ ਬਣਾਓ ਕਿ ਪਾਸਤਾ ਚਾਕੂ ਨਾਲ ਪੂਰੀ ਤਰ੍ਹਾਂ ਕੱਟਿਆ ਜਾ ਰਿਹਾ ਹੈ ਜਾਂ ਅਜੇ ਵੀ ਕੱਚਾ ਹੈ, ਜੇਕਰ ਇਹ ਪੂਰੀ ਤਰ੍ਹਾਂ ਕੱਟਿਆ ਜਾ ਰਿਹਾ ਹੈ ਤਾਂ ਸਮਝੋ ਕਿ ਤੁਹਾਡੇ ਪਾਸਤਾ ਨੂੰ ਚੰਗੀ ਤਰ੍ਹਾਂ ਉਬਾਲਿਆ ਗਿਆ ਹੈ। ਹੁਣ ਇਸ ਨੂੰ ਪਾਣੀ ਤੋਂ ਵੱਖਰਾ ਕਰ ਲਓ ਅਤੇ ਕਿਸੇ ਹੋਰ ਬਰਤਨ ‘ਚ ਛਾਣ ਲਓ।
ਉਬਲੇ ਹੋਏ ਪਾਸਤਾ ‘ਚ ਘਿਓ ਮਿਲਾਓ
ਹੁਣ ਤੁਸੀਂ ਪਾਸਤਾ ਨੂੰ ਕਿਸੇ ਹੋਰ ਬਰਤਨ ‘ਚ ਛਾਣ ਲਿਆ ਹੈ ਤਾਂ ਫਿਰ ਇਸ ‘ਚ ਇਕ ਵੱਡੇ ਚਮਚ ਨਾਲ ਘਿਓ ਮਿਲਾ ਲਓ ਤਾਂ ਕਿ ਇਹ ਚਿਪਕ ਨਾ ਜਾਵੇ ਅਤੇ ਵੱਖਰਾ ਦਿਖਾਈ ਦੇਵੇ, ਨਾਲ ਹੀ ਇਹ ਨਰਮ ਹੋ ਜਾਵੇਗਾ, ਜਿਸ ਨਾਲ ਖਾਣੇ ‘ਚ ਰੈਸਟੋਰੈਂਟ ਸਟਾਈਲ ਦਿਖਾਈ ਦੇਵੇਗਾ।
